Քաղաքապետը բավարարել է Լևոն Տեր-Պետրոսյանի դիմումը
Նմանատիպ
Երևանի քաղաքապետ Տարոն Մարգարյանը ՀՀ նախկին նախագահ Լևոն Տեր Պետրոսյանի դիմումը բավարարելու որոշում է կայացրել:
«Զանգվածային որոշ լրատվամիջոցների կողմից Լևոն Տեր-Պետրոսյանի տան նկատմամբ Երևանի քաղաքապետարանի կողմից վարչական վարույթ հարուցվելու վերաբերյալ տարածվող տեղեկատվության առնչությամբ հարկ ենք համարում տեղեկացնել, որ «Վարչարարության հիմունքների և վարչական վարույթի մասին» ՀՀ օրենքի համաձայն Երևանի քաղաքապետը հանդիսանում է վարչական մարմին և, ըստ այդմ, քաղաքացու դիմումի հիման վրա պարտավոր է հարուցել վարչական վարույթ՝ դիմումը քննարկելու և օրենքով սահմանված կարգով որոշում (վարչական ակտ) կայացնելու հ ամար:
Քաղաքացի Լևոն Տեր-Պետրոսյանի դիմումը ևս, օրենքի պահանջի համաձայն, օրենքով սահմանված կարգով քննարկվել է և Երևանի քաղաքապետի կողմից կայացվել է քաղաքացու խնդրանքը բավարարելու մասին որոշում»,-նշված է Երևանի քաղաքապետարանի տարածած հաղորդագրության մեջ:
ՀՀ նախկին նախագահ Լևոն Տեր-Պետրոսյանի տան նկատմամբ Երևանի քաղաքապետարանում վարչական վարույթի համար հիմք է հանդիսացել Լևոն Տեր-Պետրոսյանի դիմումը’ Ծիծեռնակաբերդի խճուղու հ.10 հասցեում, սեփականության իրավունքով իրեն պատկանող տան կիսանկուղային և 1-ին հարկերի տարածքների գործառական նշանակությունը փոխելու պահանջով: Լևոն Տեր-Պետրոսյանը որոշել է իր տան նշված հարկերում գրասենյակ հիմնել:
Հետևեք մեզ նաև Telegram-ում