Չեմպիոնների լիգա. Հայտնի են 1/8 եզրափակչի զույգերը
Նմանատիպ
Շվեյցարիայի Նյոն քաղաքում տեղակայված ՈւԵՖԱ-ի գրասենյակում կայացավ Չեմպիոնների լիգայի` 1/8 եզրափակիչ փուլի վիճակահանությունը:
Այս փուլում չէին կարող միմյանց դեմ մրցել այն թիմերը, որոնք նույն խմբում էին կամ ներկայացնում են նույն երկիրը: Դրա հետ մեկտեղ` խմբերի առաջին հորիզոնականները զբաղեցրած թիմերին որպես մրցակից բաժին հասան երկրորդ հորիզոնականները զբաղեցրածները:
Խմբերի հաղթողներն էին` «Ատլետիկո» (Իսպանիա), «Ռեալ» (Իսպանիա), «Մոնակո» (Ֆրանսիա), «Բորուսսիա» (Գերմանիա), «Բավարիա» (Գերմանիա), «Բարսելոնա» (Իսպանիա), «Չելսի» (Անգլիա), «Պորտու» (Պորտուգալիա):
Երկրորդ հորիզոնականները զբաղեցրած թիմերն էին` «Յուվենտուս» (Իտալիա), «Բազել» (Շվեյցարիա), «Բայեր» (Գերմանիա), «Արսենալ» (Անգլիա), «Մանչեսթեր Սիթի» (Անգլիա), «Պարի Սեն Ժերմեն» (Ֆրանսիա), «Շալկե 04» (Գերմանիա), «Շախտյոր» (Ուկրաինա):
ՈւԵՖԱ-ի գլխավոր քարտուղար Ջաննի Ինֆանտինոյի մասնակցությամբ կայացած վիճակահանության արդյունքում ձևավորվեցին հետևյալ զույգերը`
- «Պարի Սեն Ժերմեն» – «Չելսի»
- «Մանչեսթեր Սիթի» – «Բարսելոնա»
- «Բայեր» – «Ատլետիկո»
- «Յուվենտուս» – «Բորուսսիա Դորտմունդ»
- «Շալկե 04» – «Ռեալ Մադրիդ»
- «Շախտյոր» – «Բավարիա»
- «Արսենալ» – «Մոնակո»
- «Բազել» – «Պորտու»
Առաջին խաղերը կկայանան փետրվարի 17-18-ին և 25-26-ին իսկ պատասխան խաղերը` մարտի 10-11-ին և 17-18-ին: Խմբերի հաղթողների համար առաջին հանդիպումներն արտագնա կլինեն:
Հիշեցնենք, որ նախորդ մրցաշրջանում Չեմպիոնների լիգայում հաղթել է Մադրիդի «Ռեալը»: «Արքայական ակումբի» համար այդ չեմպիոնությունը 10-րդն էր եվրոպական ամենահեղինակավոր մրցաշարում:
Առաջարկում ենք նաև ծանոթանալ Չեմպիոնների լիգայի ընթացիկ խաղարկության խմբային փուլում գրանցված ռեկորդներին` այս հղմամբ:
Հետևեք մեզ նաև Telegram-ում