Գոլառատ խաղում «Բարսելոնան» հաղթեց «Վիլյառեալին» (տեսանյութ)
Նմանատիպ
Իսպանիայի առաջնության 21-րդ տուրում չեմպիոնական տիտղոսի համար պայքարող «Բարսելոնայի» մրցակիցը «Վիլյառեալն» էր:
«Կամպ Նոու» մարզադաշտում կայացած խաղում Լուիս Էնրիկեի սաները 3:2 հաշվով հաղթանակ տոնեցին: 30-րդ րոպեին հյուրերին առաղ մղեց Դենիս Չերիշևը, սակայն նախքան ընդմիջման գնալը կատալոնացիները վերականգնեցին հաշվի հավասարությունը. 45-րդ րոպեին աչքի ընկավ Նեյմարը: Երկրորդ խաղակեսի մեկնարկում` 51-րդ րոպեին, Լուսիանո Վյետոն հաշիվը դարձրեց 1:2, սակայն այս գոլին հաջորդած մի քանի րոպեների ընթացքում Ռաֆինյան և Մեսսին վճռեցին խաղի ելքը:
Այս հաղթանակից հետո «Բարսելոնան» ունի 50 միավոր և առաջատար Մադրիդի «Ռեալին», որը մեկ հանդիպում պակաս է անցկացրել, զիջում է 1 միավոր, իսկ «Վիլյառեալը» մնաց 38 միավորով 6-րդ տեղում:
Իսպանիայի առաջնություն, 21-րդ տուր
«Բարսելոնա»-«Վիլյառեալ»` 3:2
Գոլերը` Նեյմար 45′, Ռաֆինյա 53′, Մեսսի 55′ – Չերիշև 30′, Վյետո 51′
Հետևեք մեզ նաև Telegram-ում