Մատա, Նեգրեդո, Գարսիա… «Ռեալի» «անհայտ» ֆուտբոլիստները
Նմանատիպ
Զե Ռոբերտո, Խուրադո, Բորխա Վալերո… Դուք կա՛մ չեք իմացել, կա՛մ մոռացել եք, որ նրանք խաղացել են «Ռեալում», կա՛մ էլ վաղուց եք երկրպագում մադրիդյան թիմին: Ներկայացնում ենք «Ռեալի» «անհայտ» ֆուտբոլիստներին:
1990-ականների վերջերին և 2000-ականների սկզբներին հարձակվող Իսմաել Ուրսաիսին դժվար էր Բիլբաոյի «Ատլետիկից» և Իսպանիայի հավաքականից բացի այլ տեղում պատկերացնել: Սակայն նա «Ռեալի» սան է, ով 90-ականների սկզբին այդպես էլ չկարողացավ հիմնական կազմում ընդգրկվել ու միայն մի քանի խաղի մասնակցեց:
Սեկրետարինու ազգանունով պորտուգալացի աջ պաշտպանն առավել հայտնի է «Պորտուի» և ազգային հավաքականի կազմում ելույթներից, բայց նրա անցյալում նաև «Ռեալը» կա: Նա Մադրիդ տեղափոխվեց 1996-ին, կես տարի հետո նրա դիրքի համար գնեցին Պանուչիին ու Սեկրետարիուն վերադարձավ «Պորտու»:
Բրազիլացի կիսապաշտպան Զե Ռոբերտոն, ում կարիերան բարձրակետին հասել է «Բայերում», հիմա էլ շարունակում է իր հանդես գալ: Զե Ռոբերտոն փայլել է նաև «Բավարիայում», որի կազմում 4 անգամ Գերմանիայի չեմպիոն է դարձել: Քչերն են հիշում, որ բրազիլացու եվրոպական առաջին ակումբը «Ռեալն» էր` 1997-ին: Պարզապես Զե Ռոբերտոն մադրիդյան թիմում ոչ մի կերպ աչքի չընկավ ու վերադարձավ հայրենիք:
«Ռուբինի» պաշտպան Սեզար Նավասը մեկն է ֆուտբոլիստների այն խմբից, ովքեր ինչ-որ ժամանակ փորձել են խաղալ «Ռեալում» ու հիմա հանդես են գալիս Ռուսաստանում: Երիտասարդ ժամանակ Նավասին խոստումնալից էին համարում, նա խաղում էր Իսպանիայի երիտասարդական հավաքականում և մի քանի տարի էլ անցկացրել է «Ռեալում»: Ո՛չ հավաքականում, և ՛ոչ էլ ակումբում նա մեկնարկայինների թվում չընդգրկվեց, սկսեց խաղալ «Մալագայում», «Ռասինգում», իսկ 2009-ին հայտնվեց Կազանում:
«Զենիթի» կիսապաշտպան Չավի Գարսիան «Ռեալում» երկու անգամ է եղել: Առաջին անգամ մանկության տարիներին` որպես ակումբի ակադեմիայի սան և 2004-ին մի քանի խաղ է անցկացրել հիմնական կազմում: 2007-ին նա «Օսասունայից» «Ռեալ» վերադարձավ, հետո հակառակ տրանսֆերը կայացավ: Գարսիան չկարողացավ ամրապնդվել մադրիդյան թիմում ու սկսեց «Բենֆիկայում» խաղալ, այնտեղից տեղափոխվեց «Մանչեսթեր Սիթի», իսկ հետո արդեն ինքներդ գիտեք:
Վաղուց արդեն «Ատլետիկոյի» կազմում հանդես եկող աջ պաշտպան Խուանֆրանը «Ռեալից» 2006-ին հեռացավ: «Ռեալում» հիմնականում կազմում Խուանֆրանն ընդամենը մի քանի խաղի մասնակցեց, սակայն դա չխանգարեց հետագայում դառնալ Եվրոպայի, Իսպանիայի չեմպիոն, հաղթել Եվրոպա լիգայում և խաղալ ՉԼ-ի եզրափակչում:
Կարող է տարօրինակ թվալ, բայց ինչ-որ ժամանակ «Ռեալի» կազմում է եղել նաև «Սպարտակի» կիսապաշտպան Խոսե Մանուել Խուրադոն: Նա «Ռեալի» սան է ու այնտեղ 5 խաղ է անցկացրել 2005-06թթ. մրցաշրջանում, այնուհետև տեղափոխվել է «Ատլետիկո», «Շալկե», ապա հայտնվել է «Սպարտակում»:
Անցյալ տարի Իսպանիայի հավաքականում հայտնված Կասիլյա ազգանունով դարպասապահն իսկապես ինչ-որ ժամանակ Կասիլյասի հետ նույն թիմում է եղել: Դա 2000-ականների կեսերին էր: Կասիլյան գլխավոր թմում չխաղաց ու տեղափոխվեց «Էսպանյոլ»:
Խուան Մատան ու Ալվարո Նեգրեդոն այն ֆուտբոլիստներն են, որոնց հեշտ չէ «Ռեալի» մարզահագուստով պատկերացնել` այն էլ միասին, սակայն երկուսն էլ 2000-ականների կեսերին մադրիդյան գրանդում էին:
2000-ի կեսերին Բորխա Վալերոն անարդյունք փորձում էր Ֆաբիո Կապելոյի ղեկավարած «Ռեալում» հայտնվել, սակայն հիմնական կազմում մի քանի ձախողումները նրան շրջագայության տարան Եվրոպայով` «Վեստ Բրոմվիչ», «Վիլյառեալ», «Ֆիորենտինա», որտեղ և կարողացավ առաջ գնալ:
Այն, որ Խավիեր Սավիոլան մի քանի մրցաշրջան «Ռեալում» է եղել, կարելի կլիներ մոռանալ, քանի որ արգենտինացու կարիերայում շատ ակումբներ են եղել: 2 մրցաշրջանի ընթացքում (2007-09), նա 30 խաղ է ացկացրել «Ռեալում» և ընդամենը 5 գոլ խփել:
Կենտրոնական կիսապաշտպան Դանի Պարեխոն, ինչպես շատերն իրենց երիտասարդ տարիներին, այդպես էլ չկարողացան խաղալ «Ռեալի» հիմնական կազմում: Հիմա Պարեխոն «Վալենսիայի» առաջատարներից է, իսկ «Ռեալում» եղած շրջանի մասին հիշողներ չկան:
Ժուլյեն Ֆոբերին շատերը համարում են «Ռեալի» պատմության վատագույն խաղացողը: 2009-ին Մադրիդի ակումբն ինչ-որ պատճառով նրան վարձավճարի դիմաց ձեռք բերեց «Վեսթ Հեմից», սակայն զգալի հաջողությունների մասին հուսալ պետք չէր:
Լուսանկարի տղան, ով միանգամից մի քանի անձի է հիշեցնում, Մարկոս Ալոնսոն է: Նա հայտնի ձախ պաշտպան է, ով դաստիարակվել է «Ռեալում», խաղացել է «Բոլթոնում» և «Սանդերլենդում» և հիմա իտալական «Ֆիորենտինայում» է: Նրան պետք չէ շփոթել Խաբի Ալոնսոյի եղբոր` Միկելի հետ, ով նույնպես խաղացել է «Բոլթոնում»:
Հետևեք մեզ նաև Telegram-ում