Ֆուտբոլիստներ, ովքեր խլել են իրենց ընկերների սիրելիներին

Ավելի վաղ «Խաղից դուրս» խորագրում ներկայացրել ենք այն ֆուտբոլիստներին, ովքեր դավաճանել են իրենց կանանց, իսկ այժմ ներկայացնում ենք իրենց ընկերների սիրելիներին խլած ֆուտբոլիստներին:

Կրիստիան Լելլ-Մելանի Ռիկինգեր-Մեսութ Օզիլ

2014-ի հոկտեմբերին Մեսութ Օզիլը հայտնվեց գերմանական «Bild» ամսագրի առաջին էջում: Ծննդյան տոնի առթիվ նա գլուխկոտրուկի տեսքով նվեր ստացավ. «Սիրային քաոս». Օզիլի սիրելին բղավում էր DSDS-ի ժամանակ (գերմանական երաժշտական շոու. «Գերմանիան սուպերաստղի է փնտրում»): Մենդի Կապրիսոն, ով ժյուրիի անդամներից էր, լաց եղավ ընկերոջը կորցնելու սթրեսի պատճառով: Ինչպես պնդում էր ամսագիրը՝ Մեսութն արդեն բաժանվել էր ընկերուհուց ու սիրավեպ էր սկսել մոդել Մելանի Ռիկինգերի հետ: Նրան դավաճանության մեջ մեղադրել է «Բավարիայի» նախկին պաշտպան Կրիստիան Լելլը, ով WhatsApp-ում հայտնաբերել էր Մեսութի ու Մելանիի ինտիմ նամակագրությունը:

«Մեսութն օգտվեց իր հայտնիությունից ու միտումնավոր խցկվեց մեր հարաբերություններում: Դա նորմալ չէ»,-հայտարարել էր Կրիստիանը: Ուշագրավ է, որ վերջինս արդեն հայտնվել էր դավաճանվածի կարգավիճակում. 2010-ին էլ նրա նախկին ընկերուհին հղիացել էր երեք երեխաների հայր Միխայել Բալլաքից:

Քևին դե Բրոյնե-Կառոլին Լինեն-Տիբո Կուրտուա

2014-ի նոյեմբերին եվրոպական մամուլը գրում էր բելգիական սիրային եռանկյունու մասին: Կառոլին Լինենը ԶԼՄ-ների ուշադրության կենտրոնում հայտնվեց Բելգիայի հավաքականի և «Չելսիի» նախկին թիմակիցներ Տիբո Կուրտուայի ու Քևին դե Բրոյնեի հետ կապի պատճառով: Կարոլինը բելգիական «Story Magazine»-ին պատմել էր, որ Քևինն էլ դեռ 2012-ին է դավաճանել իրեն նախկին ընկերուհու հետ:

«Քևինն ինձ դավաճանեց, ու ես մտածեցի՝ ինչու չեմ կարող նույն բանն անել: Ես ամիսներ շարունակ լռել եմ, որովհետև ցանկացել եմ պահպանել մեր հարաբերությունները: Սակայն «Keep It Simple Kevin» գրքում նա հիշատակեց իմ ու Կուրտուայի կապի մասին, ու ես չնայած նրա ծնողների՝ ամեն ինչի մասին լռելու խնդրանքներին պատմեցի իմ պատմությունը»:

21-ամյա աղջկա խոսքերով «Չելսիի» դարպասապահ Կուրտուան իր նախկին ընկերոջից բարեկիրթ է. իրեն Մադրիդ է հրավիրել «Ատլետիկոյում» խաղալու ընթացքում, հաճախ ընթրիք է պատրաստել: 

Մաքսի Լոպես-Վանդա Նարա-Մաուրո Իկարդի

2013-ի նոյեմբերին Մաքսի Լոպեսը բաժանվեց Վանդա Նարայից: 5 տարվա ամուսնության ընթացքում արգենտինուհի մոդելը հարձակվողից 3 որդի էր ունեցել: Ամեն ինչ փչացրեց 20-ամյա Մաուրո Իկարդին՝ Լոպեսի նախկին թիմակիցը: Երիտասարդ ու տաքարյուն Իկարդին Վանդային սեր խոստովանեց Twitter-ով, ապա Instagram-ում Լոպեսի երեխաների հետ լուսանկարներ հրապարակեց, իսկ Մաքսին դավաճան կնոջը դռան տեղը ցույց տվեց:

2014-ի ապրիլին ֆուտբոլիստները հանդիպեցին «Սամպդորիա»-«Ինտեր» խաղի ժամանակ: Մաքսին Իկարդիի ձեռքը չսեղմեց, իսկ իտալական մամուլը հանդիպումն անվանեց «Wanda Derby»: Բաժանումից որոշ ժամանակ անց Վանդան փորձեց արդարանալ.

«Ես նրան դավաճանել եմ միայն իր դավաճանությունից հետո: Դժբախտ էի` չնայած շքեղ կյանքով էի ապրում: Մաքսին միշտ անտեսել է ինձ: Ես փորձում էի պահպանել ամուսնությունս միայն երեխաներիս հանդեպ սիրուց դրդված: Նրան շատ անգամներ եմ ներել, բայց հասկաա՝ կան բաներ, որ չի կարելի մոռանալ»:

Հիմա Վանդան Մաուրոյի և երեխաների հետ Միլանում է ապրում: Որպես սիրո նշան նրանք միմյանց անուններով դաջվածքներ են արել:

Ուեյն Բրիջ-Վանեսա Պերրոնսել-Ջոն Թերրի

Վանեսա Պերրոնսելը և Ուեյն Բրիջը քաղաքացիական ամուսնությամբ 2005-2009թթ. միասին են ապրել: 2006-ի նոյեմբերի 21-ին նրանք որդի ունեցան, իսկ հաջորդ օրը պաշտպանը 4-ամյա պայմանագիր կնքեց «Չելսիի» հետ: Այնտեղ նա խաղում էր իր լավագույն ընկերոջ՝ Ջոն Թերրիի հետ: 

Երբ Վանեսան և Ուեյնը բաժանվեցին՝ ֆրանսիացի մոդելը տեղափոխվեց Լոնդոնի հարավ-արևմուտք, որտեղ հարևանությամբ բնակվող Թերրին զանգահարեց Վանեսային ու առաջարկեց հաշտվել Ուեյնի հետ, քանի որ նրանց հիանալի զույգ էր համարում: Սա հաստատել են Վանեսայի լավագույն ընկերուհիները՝ Անտոնիան ու Նադինը: Նրանք վստահեցնում էին, որ զանգերին հաջորդել են այցելությունները: 

2010-ի հունվարին Թերրին քաղաքացիական դատարան դիմեց, որպեսզի արգելի մամուլին խոսել այդ թեմայով: Նա վախենում էր, որ խոսակցությունները կվնասեն կնոջ ու երեխաների հետ հարաբերություններին (արդյունքում դա նրան զրկեց Անգլիայի հավաքականի ավագի թևկապից): Դատարանին ներկայացրած հայցը որևէ մեկին չզարմացրեց, բայց նրան անընդհատ տարավ դեպի լրագրողների դռները: Ջոնը և Վանեսան սկսեցին հանդիպել, արդյունքում Վանեսան հղիացավ ու Ջոնի խնդրանքով հեռացրեց երեխայից, իսկ հետո պարզվեց, որ դավաճանությունը սկսվել է դեռևս 2006 թվականից: Այս ամենից հետո Բրիջը հրաժարվեց հանդես գալ հավաքականում այնքան ժամանակ, քանի դեռ Թերրին կկրի այդ մարզաշապիկը:

 

Հետևեք մեզ նաև Telegram-ում