Կասիլյա. Բավականաչափ փորձառու եմ ճնշում զգալու համար

Մադրիդի «Ռեալի» դարպասապահ Կիկո Կասիլյան Չինաստանում անցկացված «International Champions Cup» նախամրցաշրջանային մրցաշարի շրջանակում «Միլանի» հետ կայացած հանդիպման վերաբերյալ իր մեկնաբանությունն է տվել և խոսել է թիմին հարմարվելու գործընթացից:

«Սիրում ենք մասնակցել նման մրցաշարերի, քանի որ դրանք օգնում են նախապատրաստվել նոր մրցաշրջանին, որը երկար է լինելու: Մրցաշարն ավելի լավն է դառնում, երբ հաղթում ենք: «Միլանի» հետ խաղում ես վերջինն իրացրի 11-մետրանոց հարվածը և կարողացա մեկ անգամ որսալ մրցակցի հարվածը: Բավականաչափ փորձառու եմ ճնշում զգալու համար:

Այժմ մենք պետք է աշխատենք ամեն օր: Ես պարզապես թիմի հերթական ֆուտբոլիստն եմ, իմ ծրագիրն աշխատելն է: Մտադիր եմ թիմին տալ ամբողջ ուժս, իսկ ղեկավարությունը թող մյուս որոշումները կայացնի: Հեշտ է հարմարվել թիմին, երբ արդեն այստեղ ընկերներ ունես: «Էսպանյոլից» «Ռեալ» եմ տեղափոխվել մեծ հաջողությունների հասնելու և վերադարձս վայելելու համար»,-ասել է Կասիլյան: