Կայացավ Չեմպիոնների լիգայի խմբային փուլի վիճակահանությունը
Նմանատիպ
Մոնակոյում կայացավ Չեմպիոնների լիգայի 2015-16թթ. խաղարկության խմբային փուլի վիճակահանությունը: Նախապես 4 զամբյուղների բաժանված 32 թիմերն ընդգրկվեցին 8 խմբերում:
A խումբ. «Պարի Սեն Ժերմեն», «Ռեալ», «Շախտյոր», «Մալմյո»:
B խումբ. ՊՍՎ, «Մանչեսթեր Յունայթեդ», ԲԿՄԱ, «Վոլֆսբուրգ»:
C խումբ. «Բենֆիկա», «Ատլետիկո», «Գալաթասարայ», «Աստանա»:
D խումբ. «Յուվենտուս», «Մանչեսթեր Սիթի», «Սևիլյա», «Բորուսսիա Մյոնխենգլադբախ»:
E խումբ. «Բարսելոնա», «Բայեր Լևերկուզեն», «Ռոմա», ԲԱՏԷ:
F խումբ. «Բավարիա», «Արսենալ», «Օլիմպիակոս», «Դինամո Զագրեբ»:
G խումբ. «Չելսի», «Պորտու», «Դինամո Կիև», «Մաքքաբի»:
H խումբ. «Զենիթ», «Վալենսիա», «Լիոն», «Գենտ»:
Խմբային փուլում բացառվում է նույն զամբյուղի, նույն երկիրը ներկայացնող թիմերի հանդիպումը: Բացի այդ, 2014 թվականի ամռանն ՈւԵՖԱ-ն որոշում էր ընդունել, որի համաձայն՝ մրցաշարի այս փուլում չեն կարող մրցել Ռուսաստանը և Ուկրաինան ներկայացնող թիմերը:
Խմբային փուլում թիմերն իրար հետ երկու հանդիպում են անցկացնելու՝ տնային և արտագնա: Առաջին տուրի խաղերը կայանալու են սեպտեմբերի 15-ին և 16-ին:
Հիշեցնենք, որ Չեմպիոնների լիգայի գործող գավաթակիրը կատալոնական «Բարսելոնան» է, որը նախորդ խաղարկության եզրափակչում առավելության հասավ «Յուվենտուսի» նկատմամբ:
Հետևեք մեզ նաև Telegram-ում