Սուսերամարտի աշխարհի գավաթ. Հայաստանը կներկայացնի երկու մարզիկ
25/11/2015 14:18
Նմանատիպ
Սուսերամարտի Հայաստանի երիտասարդական հավաքականի երկու անդամները կմասնակցեն աշխարհի գավաթի խաղարկության հերթական փուլին։
Ինչպես հայտնում է ՀԱՕԿ-ի պաշտոնական կայքը, Սլովակիայի մայրաքաղաք Բրատիսլավայում կայանալիք սուսերամարտի երիտասարդների աշխարհի գավաթի խաղարկության այս փուլին Հայաստանը կներկայացնեն Էդուարդ Օվիկյանը (խոցասուսեր) և Մայքլ Հովհաննիսյանը (ճկասուսեր):
«Սուսերամարտի աշխարհի երիտասարդների գավաթի խաղարկությունը մեծ փորձ կլինի երկուսի համար էլ: Մրցաշարը բավականին ուժեղ կազմ է հավաքել: Մեզ համար բարձր արդյունք կլինի, եթե նրանք կարողանան հայտնել ուժեղագույն 32 սուսերամարտիկների մեջ»,-ասել է սուսերամարտի ֆեդերացիայի գլխավոր քարտուղար Արտաշ Մադոյանը:
Գավաթի խաղարկությունը մեկնարկում է նոյեմբերի 26-ին և կեզրափակվի նոյեմբերի 29-ին:
Հետևեք մեզ նաև Telegram-ում