Արտագնա խաղում «Բարսելոնան» հաղթեց «Լևանտեին» (տեսանյութ)
Նմանատիպ
Իսպանիայի առաջնության 23-րդ տուրում առաջատար «Բարսելոնան» հյուրընկալվել էր հետնապահ «Լևանտեին»: Կատալոնական թիմը 2:0 հաշվով հաղթանակ տոնեց:
Հանդիպման արդեն չորրորդ րոպեին Մեսսին դարձավ գոլի հեղինակ, սակայն գլխավոր մրցավար Պեդրո Պերես Մոնտերոն չհաշվեց արգենտինացու գոլը՝ արձանագրելով խաղից դուրս իրավիճակ: Կատալոնացիներին հաջողվեց առաջ անցնել հաշվի մեջ 21-րդ րոպեին, երբ դաշտի տերերի կազմում ինքնագոլի հեղինակ դարձավ Դավիդ Նավարոն: Երկրորդ գոլը «Բարսելոնան» խփեց եզրափակիչ սուլիչից վայրկյաններ առաջ, աչքի ընկավ Լուիս Սուարեսը:
Այս հաղթանակից հետո «Բարսելոնան», որը 22 հանդիպում է անցկացրել, ունի 54 միավոր և գլխավորում է մրցաշարային աղյուսակը, իսկ «Լևանտեն» մնաց 17 միավորով՝ վերջին տեղում:
Իսպանիայի առաջնություն, 23-րդ տուր
«Լևանտե» – «Բարսելոնա»՝ 0:2
Գոլերը՝ Նավարո 21’/ինքնագոլ, Սուարես 90′