Հյումմելս. Ակումբի անիմաստ հայտարարության պատճառով սխալ տպավորություն ստեղծվեց

Դորտմունդի «Բորուսսիայի» պաշտպան Մաթս Հյումմելսը հայտարարել է, որ կարիերայի շարունակության հարցում դեռ վերջնական որոշում չի կայացրել՝ չնայած ակումբի ղեկավարությունը հայտարարել է նրա՝ «Բավարիա» տեղափոխվելու ցանկության մասին:

-Ամեն ինչ հնարավոր է, և ոչինչ վերջնական որոշված չէ: Այդ անիմաստ հայտարարության պատճառով սխալ տպավորություն ստեղծվեց: Չեմ հասկանում, թե ինչ իմաստ ուներ նման հայտարարություն տարածելը,-Հյումմելսի խոսքը մեջբերել է «The Yellow Wall»-ը:

Նշենք, որ Բունդեսլիգայի 32-րդ տուրի՝ «Վոլֆսբուրգի» հետ հանդիպման (5:2) ժամանակ «Բորուսսիայի» երկրպագուներն անընդհատ սուլում էին Հյումմելսին, շատերն էլ մարզադաշտ էին եկել ֆուտբոլիստին ուղղված վիրավորական պաստառներով: