Ֆիգու. «Բարսելոնայի» նախագահն ասաց՝ «Բեր փողերն ու հեռացիր»

«Բարսելոնայի» նախկին կիսապաշտպան Լուիշ Ֆիգուն, որի տեղափոխությունը Մադրիդի «Ռեալ» ժամանակին մեծ արձագանք էր ստացել, ասել է, որ իր տրանսֆերային գործարքում ամեն ինչ միանշանակ չէ: Ֆիգուն դարձել էր «կապտանռնագույնների» ամենաատելի դեմքը. երբ նա «Բարսելոնայի» դեմ արտագնա խաղում առաջին անգամ դաշտ դուրս եկավ «Ռեալի» մարզաշապիկով, ենթարկվեց խլացնող սուլոցների և վիրավորանքների:

-Ես դա սպասում էի: Այն, ինչ արեցին լրատվամիջոցները, և այն, ինչ կարող էր դրդված լինել բռնության լույսի տակ… Հիմա բոլորը սուրբ են երևում, իսկ վատը միայն Ֆիգուն է: Զգացմունքային առումով դա շատ բարդ մրցաշրջան էր, և ես չգիտեմ՝ պատրա՞ստ էի այդ իրադարձություններին: «Բարսելոնայի» նախագահը չէր ուզում ուշադրություն դարձնել ստեղծված իրավիճակին: Նա ինձ ասաց՝ «Բեր գումարն ու կարող ես հեռանալ»: Ես ինքս չեմ փնտրում ո՛չ մեղավոր, ո՛չ զոհ,- Ֆիգուի խոսքն է մեջբերում «Cadena Ser»-ը:

Ֆիգուն «Արքայական ակումբում» խաղացել է 2000-ից 2005թթ, իսկ «Բարսելոնայի» կազմում հանդես է եկել 1995-ից 2000թթ: