Հովհաննես Բաչկովը կպայքարի օլիմպիական ուղեգրի համար
30/06/2016 13:13
Նմանատիպ
Հուլիսի 2-8-ը Վենեսուելայում տեղի կունենա WSB-ի և APB-ի պրոֆեսիոնալ բռնցքամարտիկների օլիմպիական վարկանիշային մրցաշարը, որին կմասնակցի նաև 64 կգ քաշային Հովհաննես Բաչկովը: Այս մասին տեղեկանում ենք ՀԲՖ-ի մամուլի ծառայությունից։
Վիճակահանությունն ու կշռման արարողությունը տեղի կունենան հուլիսի 2-ին: Օլիմպիական ուղեգիր կնվաճեն 1-3-րդ տեղերը գրաված մարզիկները: Վենեսուելայի մրցաշարը Օլիմպիական խաղերի վարկանիշային վերջին մրցաշարն է:
Հիշեցնենք, որ Հայաստանի 4 ներկայացուցիչներ ձեռք են բերել Օլիմպիական խաղերի ուղեգիր՝ 49 կգ քաշային Արթուր Հովհաննիսյանը, 52 կգ քաշային Նարեկ Աբգարյանը, 56 կգ քաշային Արամ Ավագյանն ու 69 կգ քաշային Վլադիմիր Մարգարյանը:
Հետևեք մեզ նաև Telegram-ում