Ռայոլան հերքում է Պոգբայի՝ «Ման․ Յունայթեդ» տեղափոխության մասին լուրերը
29/07/2016 21:24
Նմանատիպ
«Յուվենտուսի» կիսապաշտպան Պոլ Պոգբայի գործակալ Մինո Ռայոլան հերքել է մամուլում շրջանառվող այն լուրերը, որոնց համաձայն՝ ֆրանսիացի ֆուտբոլիստը «Մանչեսթեր Յունայթեդ» տեղափոխվելու համար պատրաստվում է բուժզննում անցնել։
«Լրագրողները թութակների նման են։ Ակումբների միջև համաձայնություն չկա։ Սա իտալական և բրիտանական լրատվամիջողների խաղն է․ ո՞վ առաջինը կհայտարարի տրանսֆերի մասին և ո՞վ է ավելի վատը»,-գրել է Ռայոլան «Twitter»-ի իր միկրոբլոգում։
Հիշեցնենք, որ այսօր տեղեկատվություն էր հրապարակվել, որի համաձայն՝ կողմերն ընդհանուր հայտարարի են եկել, և Պոգբան, ում ծառայություններով հետաքրքրված է նաև «Ռեալը», բուժզննում է անցնելու Լոս Անջելեսում, որտեղ այս օրերին հանգստանում է։
Հետևեք մեզ նաև Telegram-ում