Ռիո-2016․ Հարություն Մերդինյանը եզրափակչում է, Արթուր Դավթյանը՝ ոչ
07/08/2016 03:00
Նմանատիպ
Ռիոյում ընթացող Օլիմպիական խաղերի մրցումային առաջին օրը պայքարը սկսեցին մարմնամարզիկները։
Հայաստանի ներկայացուցիչներից Եվրոպայի գործող չեմպիոն Հարություն Մերդինյանը որակավորման փուլում (նժույգաթափեր) հավաքելով 15. 583 միավոր՝ զբաղեցրեց 4-րդ հորիզոնականը և դուրս եկավ եզրափակիչ փուլ։
Հայաստանի մյուս ներկայացուցիչ Արթուր Դավթյանը (հենացատկ) երկրորդ ցատկի վերջնամասում սխալ թույլ տվեց: Մրցավարները Դավթյանի երկու ցատկերը գնահատեցին 14.566 միավոր, ինչի արդյունքում հայ մարզիկը զբաղեցրեց 11-րդ հորիզոնականը և զրկվեց պայքարը շարունակելու հնարավորությունից։ Եզրափակչում հանդես գալու հնարավորություն են ստանում 8 լավագույն արդյունքները գրանցածները։
Հավելենք, որ եզրափակիչը կկայանա օգոստոսի 14-ին։
Հետևեք մեզ նաև Telegram-ում