Ռոնալդու․ Առանց թիմակիցներիս այս մրցանակը չէի ստանա
25/08/2016 21:49
Նմանատիպ
Արդեն տեղեկացրել ենք, որ «Ռեալի» պորտուգալացի հարձակվող Կրիշտիանու Ռոնալդուն արժանացել է Եվրոպայի 2015-16թթ․ մրցաշրջանի լավագույն ֆուտբոլիստի մրցանակին։ ՈՒԵՖԱ-ի պաշտոնական կայքի հետ զրույցում Ռոնալդուն նշել է, որ առանց թիմակիցների նման հաջողության չէր հասնի։
«Ցանկանում եմ ընդգծել Պորտուգալիայի հավաքականի հանգամանքը, չէ՞ որ մենք առաջին անգամ դարձանք Եվրոպայի չեմպիոն։ Այդ հաղթանակը տարբերվում էր Չեմպիոնների լիգայի հաղթանակից։ Հավաքականի հետ տիտղոս նվաճելն իմ կարիերայի գագաթնակետն էր։
Մրցանակը ստանում եմ առաջնահերթ թիմակիցներիս շնորհիվ։ Ինքս էլ տքնաջան աշխատում եմ, սակայն առանց նրանց նման հաջողության հնարավոր չէ հասնել։ Շնորհակալ եմ «Ռեալում» և Պորտուգալիայի հավաքականում իմ թիմակիցներին»,-ասել է Ռոնալդուն։
Հետևեք մեզ նաև Telegram-ում