Հուրի Գեբեշյանի նոր հնարքը պաշտոնապես անվանվել է իր անունով
31/08/2016 14:22
Նմանատիպ
Ռիո դե Ժանեյրոյում կայացած 31-րդ ամառային Օլիմպիական խաղերում Հայաստանը ներկայացրած մարմնամարզուհի Հուրի Գեբեշյանի կատարած նոր հնարքը պաշտոնապես անվանվել է մարմնամարզուհու անունով: Այս մասին հաղորդում է ՀԱՕԿ լրատվականը։
Հուրի Գեբեշյանը նոր տարրը կատարեց զուգափայտերի վարժության ժամանակ՝ վարժությունը սկսելուց առաջ Գեբեշյանը հրվեց առաջին ձողից և պտտվելով 360 աստիճան բռնվեց մյուսից:
Հիշեցնենք, որ ամառային Օլիմպիական խաղերի մարմնամարզության մրցաշարում Հայաստանի առաջին կին ներկայացուցիչ Հուրի Գեբեշյանը բազմամարտում հավաքեց 53.748 միավոր և չկարողացավ հաղթահարել որակավորման փուլը։
Հետևեք մեզ նաև Telegram-ում