Դել Բոսկեն մերժել է 10 միլիոն եվրո աշխատավարձով առաջարկը
21/10/2016 11:06
Նմանատիպ
Իսպանիայի հավաքականի նախկին գլխավոր մարզիչ Վիսենտե Դել Բոսկեն չինական ակումբ գլխավորելու առաջարկ է ստացել, սակայն մերժել է այն,- տեղեկացնում է «Marca»-ն:
«Կարող եմ հաստատել, որ առաջարկ եմ ստացել Չինաստանից: Խոսքը տարեկան 10 միլիոն եվրո աշխատավարձով աշխատանքի մասին է: Բայց ես այդպես էլ չհասկացա՝ դա չինակա՞ն ակումբ, թե՞ այդ երկրի հավաքականը գլխավորելու վերաբերյալ էր: Ճիշտն ասած ուշադրություն էլ չդարձրեցի այդ առաջարկին»,- ասել է 65-ամյա մասնագետը:
Ըստ երևույթին խոսքը գնացել է ակումբ գլխավորելու մասին, քանի որ ավելի վաղ հայտնի է դարձել, որ Չինաստանի ընտրանու մարզիչ է դառնալու Մարչելո Լիպին:
Դել Բոսկեն Եվրո-2016-ից հետո հայտարարել էր մարզչական կարիերան ավարտելու մասին:
Հետևեք մեզ նաև Telegram-ում