«Մոնակոն» 6 գնդակ խփեց «Մոնպոլյեի» դարպասը (տեսանյութ)
22/10/2016 00:38
Նմանատիպ
Ֆրանսիայի առաջնության 10-րդ տուրում «Մոնակոն» հյուրընկալեց «Մոնպոլյեյին» և խոշոր՝ 6։2 հաշվով հաղթանակ տոնեց։
Դաշտի տերերի կազմում մեկական գոլ խփեցին Ռադամել Ֆալկաոն, Կիլիան Մբապեն, Ժեմերսոնը, Վալեր Ժերմենը, Թոմա Լեմանը և Ադամ Տրաորեն, իսկ հյուրերից դուբլի հեղինակ դարձավ Ռյադ Բուդեբուզը։
Այս հաղթանակից հետո «Մոնակոն» ունի 22 միավոր և մրցաշարային աղյուսակում զբաղեցնում է դեռևս երկրորդ հորիզոնականը՝ առաջատար «Նիցային», որը տուրի շրջանակում իր հանդիպումը դեռ չի անցկացրել, զիջելով 1 միավորով։ «Մոնպոլյեն» 10 միավորով 16-րդ տեղում է։
Ֆրանսիայի առաջնություն, 10-րդ տուր
«Մոնակո» – «Մոնպոլյե»՝ 6։2
Գոլերը՝ Ֆալկաո 36՛/11-մետրանոց, Մբապե 49՛, Ժեմերսոն 64՛, Ժերմեն 74՛, Լեման 76՛, Տրաորե 89՛ – Բուդեբուզ 9՛, 61՛/11-մետրանոց