Բիլիչ․ Կոնտեն չի վիրավորել Մոուրինյուին
Նմանատիպ
«Վեսթ Հեմի» գլխավոր մարզիչ Սլավեն Բիլիչը «Չելսիի» մարզիչ Անտոնիո Կոնտեի՝ «Մանչեսթեր Յունայթեդի» դեմ խաղում ակտիվ պահվածքը վիրավորական ժեստ չի համարում։
Հիշեցնենք, որ «Չելսին» 4։0 հաշվով հաղթանակ է տոնել, իսկ «Մանչեսթեր Յունայթեդի» գլխավոր մարզիչ Ժոզե Մոուրինյուն խաղից հետո Կոնտեին ասել է․ «Երկրպագուներին պետք է ոգևորել 1։0 հաշվի ժամանակ, իսկ 4։0-ի ժամանակ դա վիրավորական է մեզ համար»։
-Չգիտեմ, թե ինչ է մտածում Մոուրինյուն, բայց կարծում եմ՝ Կոնտեն նրան չի վիրավորել։ Նա պարզապես ցանկանում էր, որ երկրպագուները ֆանտաստիկ խաղի համար արժանին մատուցեն ֆուտբոլիստներին։
Մարզչական գոտում յուրաքանչյուրն իրեն պահում է այնպես, ինչպես ցանկանում է։ Ինչ-որ մեկը պարզապես հետևում է խաղին, իսկ ոմանք ապրում են դրանով։ «Մանչեսթեր Յունայթեդի» հետ խաղում ես Կոնտեի կողմից որևէ վատ բան չեմ նկատել։ Բոլորս տեսանք տիպիկ Կոնտեին՝ դրական իմաստով ագրեսիվ ու էմոցիոնալ, – Բիլիչի խոսքը մեջբերված է «Sky Sports»-ից։
Հետևեք մեզ նաև Telegram-ում