Պաշտոնական. «Բարսելոնան» նոր տիտղոսային հովանավոր կունենա

«Բարսելոնան» իր պաշտոնական կայքի միջոցով հայտարարել է, որ պայմանագիր է կնքել ճապոնական «Rakuten» կազմակերպության հետ:

«Rakuten»-ը դառնալու է կատալոնական ակումբի տեխնիկական հովանավորը և իրավունք է ստանալու իր գովազդը տեղադրելու «կապտանռնագույնների» մարզաշապիկի վրա:

Համաձայնագիրը նախատեսված է 4 տարով և ուժի մեջ է մտնելու 2017-18թթ․ մրցաշրջանից: Սպասվում է, որ «Բարսելոնան» տարեկան ստանալու է 50-60 միլիոն եվրո:

«Ռակուտենն» աշխարհի խոշորագույն ինտերենետ-խանութների ցանցերից մեկն է: