Իսպանական ֆուտբոլի ականավոր խաղացողներից մեկն ավարտեց կարիերան (տեսանյութ)
18/11/2016 14:52
Նմանատիպ
«Ատլետիկի» ու Իսպանիայի հավաքականի նախկին աջ պաշտպան Անդոնի Իրաոլան ավարտել է պրոֆեսիոնալ կարիերան, – տեղեկացնում է բասկի վերջին ակումբի՝ «Նյու Յորք Սիթիի» պաշտոնական կայքը:
34-ամյա ֆուտբոլիստի պայմանագրի ժամկետը «քաղաքայինների» հետ սպառվում էր այս տարվա վերջին:
«Նյու Յորք Սիթին» Իրաոլայի կարիերայի միայն երկրորդ թիմն էր: Մնացած ժամանակահատվածում բասկը հանդես է եկել «Ատլետիկի» կազմում (2003-2015 թթ.): Բիլբաոն ներկայացնող ակումբ մարզաշապիկով նա մասնակցել է 498 խաղի, որոնցում դարձել է 37 գոլի և 42 գոլային փոխանցման հեղինակ:
Ամերիկյան ակումբի կազմում Իրաոլան խաղադաշտ է դուրս եկել 40 անգամ, որոնցում դարձել է մեկ գոլային փոխանցման հեղինակ: Իսպանիայի հավաքականի կազմում նա անցկացրել է 7 խաղ:
Հետևեք մեզ նաև Telegram-ում