Ամփոփիչ մրցաշարի եզրափակչում Մարեյը հաղթեց Ջոկովիչին (ֆոտոշարք)
Նմանատիպ
Լոնդոնում ավարտվեց ATP Ամփոփիչ մրցաշարը։ Աշխարհի առաջին և երկրորդ ռակետներ Էնդի Մարեյի ու Նովակ Ջոկովիչի միջև կայացած եզրափակիչն ավարտվեց բրիտանացու հաղթանակով։
1 ժամ, 43 րոպե տևած խաղում արձանագրվեց 6։3, 6։4 հաշիվը։ Մարեյը թույլ տվեց 3 կրկնակի սխալ, իրացրեց 3 բրեյք-փոյնթ՝ 9 հնարավորից, իսկ Ջոկովիչի ակտիվում գրանցվեց 1 էյս, 1 բրեյք-փոյնթ։
Էնդի Մարեյի համար սա առաջին հաղթանակն է Ամփոփիչ մրցաշարում, իսկ Ջոկովիչը տարվա վերջին մրցաշարում հաղթել է 5 անգամ։ Այս հաղթանակի շնորհիվ Էնդի Մարեյը 2016 թվականը կավարտի ATP վարկանիշային աղյուսակի առաջին հորիզոնականում։
CHAMPION! The moment @andy_murray became #ATPFinals champ and year-end world No.1. https://t.co/BmumqVcmrF https://t.co/jdB1oNRNdj
— TennisTV (@TennisTV) 20 ноября 2016 г.
Մարեյը կպահպանի առաջին ռակետի կարգավիճակն առնվազն մինչև Ավստրալիայի Բաց առաջնության ավարտը։ Նոր մրցաշրջանում «Մեծ Սաղավարտի» առաջին մրցաշարում Մարեյը պետք է եզրափակչի համար պաշտպանի 1200 վարկանիշային միավոր, իսկ Ջոկովիչը՝ տիտղոսի համար 2000 միավոր։
Հետևեք մեզ նաև Telegram-ում