Նադալ․ 2017 թվականի համար երկու նպատակ ունեմ
05/12/2016 21:55
Նմանատիպ
«Մեծ Սաղավարտի» մրցաշարերի 14 տիտղոս ունեցող Ռաֆայել Նադալը խոսել է նոր մրցաշրջանի համար սահմանած նպատակներից։
Իսպանացի թենիսիստը, ով ավարտված մրցաշրջանում պարբերաբար վնասվածքներ ստացավ և հոկտեմբերի 12-ից կորտ դուրս չեկավ, ծրագրել է մասնակցել Աբու-Դաբիի մրցաշարին։
-Շատ եմ մարզվում և նախամրցաշրջանային պատրաստության փուլի կեսին եմ հասել։ Դեռևս ամեն ինչ լավ է ընթանում։ Ծրագրել եմ մասնակցել Աբու-Դաբիի մրցաշարին։ Եթե խանգարող իրադարձություն տեղի չունենա, կխաղամ Աբու-Դաբիում, ապա կմասնակցեմ Բրիսբենի մրցաշարին, հետո կպատրաստվեմ Ավստրալիայի Բաց առաջնությանը։
2017 թվականի համար երկու նպատակ ունեմ՝ լինել երջանիկ և լավ խաղալ։ Ուրիշ ոչինչ չեմ ցանկանում,- Նադալի խոսքը մեջբերված է «Tennis World USA»-ից։
Հետևեք մեզ նաև Telegram-ում