Արցախում անցկացվել է ձյուդոյի բաց առաջնություն

Արցախի ձյուդոյի ֆեդերացիան դեկտեմբերի 10-11-ը անցկացրել է ձյուդոյի բաց առաջնություն, որին մասնակցել են նաև ազատ ոճի ըմբշամարտի ու սամբո սպորտաձևի մարզիկները: Առաջնությանը հրավիրված են եղել ոչ միայն Ստեփանակերտի, այլև շրջաններում` Քաշաթաղում, Մարտակերտում ու Շուշիում գործող խմբերը:

11 քաշային կարգերում մրցել են 120 մարզիկներ: Ըստ քաշային կարգերի առաջին տեղերը զվաղեցրել են՝

• 19կգ. Արման Պարսիյանց
• 21կգ Գոռ Ազատյան
• 24կգ. Հայկ Ավանեսյան
• 27կգ. Աշոտ Պարսիյանց
• 30կգ. Ալեքսեյ Ավանեսյան
• 34կգ. Արման Ալլավերդյան
• 38կգ. Խորեն Աբրահամյան
• 42կգ. Հրաչ Սարգսյան
• 46կգ. Ռոբերտ Պողոսյան
• 50կգ Աշոտ Մելքումյան
• +50կգ Աղվան Պետրոսյան

Ձյուդոյի գլխավոր մարզիչ ու առաջնության գլխավոր մրցավար Իվան Ազիզբեկյանը խոսել է նման մրցաշարերի կարևորության մասին․

«Ուզում ենք հետագայում Արցախի բաց առաջնություններ ու միջազգային մրցումներ կազմակերպել, որոնց կմասնակցեն մարզիկներ ոչ միայն Արցախում գործող տարբեր սպորտաձևերից, այլև Հայաստանից ու արտերկրից: Երեխաները պետք է շատ մենամարտեն, շատ մրցակիցներ ունենան: Այդ ամենը նպաստում է, որ երեխան զգա մարտագորգն ու մրցակցին»: 

Իվան Ազիզբեկյանը նաև շնորհակալություն է հայտնել ազատ ոճի ըմբշամարտի ու սամբո մարզաձևի մարզիչներին, ովքեր ընդունել են մրցաշարին մասնակցելու հրավերը: Խոսելով այս սպորտաձևերի տարբերությունների մասին՝ Իվան Ազիզբեկյանն ընդգծել է, որ թեև յուրաքանչյուր մարզաձև ունի իր յուրահատկությունները, բայց երեխաները կարողացել են շատ արագ ընկալել նրբություններն ու բավականին հաջող ելույթներ ունենալ։