Լոնդոն. Լևոն Արոնյանն առաջին պարտությունն է կրել (կատարված քայլերը)
Նմանատիպ
Անգլիայում ընթացող «London Chess Classic»-ի 6-րդ տուրում Հայաստանի ուժեղագույն գրոսմայստեր Լևոն Արոնյանը սև խաղաքարերով պարտվել է Մաքսիմ Վաշիե Լագրավին:
Հավասար պարտիայի միջնամասում՝ 34-րդ քայլում հայ գրոսմայստերը կոպիտ սխալ է թույլ տվել՝ նավակը դուրս բերելով e գծի վրայից, ինչի արդյունքում ֆրանսիացին լուրջ առավելություն է ստացել և իրացրել այն: 7 քայլ հետո Արոնյանը ստիպված է եղել հանձնվել:
Արդյունավետ ստացված տուրում ևս երկու հաղթանակ է գրանցվել․ առաջատար Ուեսլի Սոն սև խաղաքարերով պարտության է մատնել Վեսելին Թոփալովին, իսկ Ֆաբիանո Կարուանան սև խաղաքարերով՝ Հիկարու Նակամուրային: Վիշվանաթան Անանդ – Անիշ Գիրի և Վլադիմիր Կրամնիկ – Մայքլ Ադամս պարտիաները ոչ-ոքի արդյունքով են ավարտվել:
6-րդ տուրի հետո Լևոն Արոնյանը մնաց 3 միավորով և այժմ կիսում է 4-8 տեղերը: Ուեսլին Սոն 4,5 միավորով գլխավորում է մրցաշարային աղյուսակը:
Հետևեք մեզ նաև Telegram-ում