Նադալ․ Դեռ պատրաստ չեմ միայնակ հանդես գալ
Նմանատիպ
Իսպանացի թենիսիստ Ռաֆայել Նադալը նշել է, որ դեռ պատրաստ չէ միայնակ կորտ դուրս գալ, դրա համար էլ Մարկ Լոպեսի հետ մասնակցում է Իսպանիայի թենիսի առաջնության զուգախաղի մրցումներին։ Ուշագրավ է, որ մրցաշարն անցկացվում է Մալյորկայում գտնվող Նադալի թենիսի ակադեմիայում։
-Ես ամեն օր 3 ժամից ավելի մարզվում եմ, ինձ բավականին լավ եմ զգում, սակայն դեռ պատրաստ չեմ միայնակ հանդես գալ։ Ուրախ եմ, որ Իսպանիայի առաջնությունն անցկացվում է իմ ակադեմիայում, իսկ ես Լոպեսի օգնությամբ նոր մրցաշրջանին պատրաստվելու հնարավորություն ունեմ,- Նադալի խոսքը փոխանցում է «Tennis World USA»-ը։
Նախորդ շաբաթվա ընթացքում Նադալը մարզվել է Ժոաու Սոուզայի հետ, ում մարզիչ Ֆրեդերիկո Մարկեսը հայտարարել է, որ Ռաֆան հիմա ավելի լավ է խաղում, քան մեկ տարի առաջ։
Հավելենք՝ Ռաֆայել Նադալի համար նոր մրցաշրջանը սկսվելու է Աբու-Դաբիի մրցաշարից․ դեկտեմբերի 29-ին իսպանացին մրցելու է չեխ Թոմաշ Բերդիխի հետ։
Հետևեք մեզ նաև Telegram-ում