Խամես. Մնալու եմ «Ռեալում»

«Ռեալի» հարձակվողական ոճի կիսապաշտպան Խամես Ռոդրիգեսը կիսվել է Իսպանիայի գավաթի խաղարկության 1/8 եզրափակչի «Սևիլյայի» հետ առաջին հանդիպման (3:0) շուրջ իր տպավորություններով, ինչպես նաև հավաստիացրել է, որ չի լքելու մադրիդյան ակումբը:

«Մենք լավ արդյունքի հասանք, բայց դիմակայության ելքը դեռ չի որոշվել: Պատասխան մրցավեճում պետք է պահպանենք կենտրոնացվածությունը և ինտենսիվ գործենք:

Մեր թիմում բոլոր ֆուտբոլիստները ցանկանում են խաղալ, բոլորն էլ դժվարությունների միջով են անցնում: Նոր տարի է սկսվել, և ես որոշել եմ մնալ «Ռեալում»: Պարզապես ցանկանում եմ ընձեռնված հնարավորության ժամանակ հաջող խաղալ»,- կոլումբիացու խոսքերն է մեջբերում «Marca.com»-ը: