USD
EUR
RUB

2016 թվականի ֆուտբոլային լավագույն սաունդթրեքերը

 
 

Հիշենք 2016 թվականին մեծապես երկրպագուների շնորհիվ հայտնի դարձած երգերը, որոնք ֆուտբոլային տարին ավելի հետաքրքիր դարձրին։

Don't take me home!

Տարվա գլխավոր մրցաշարը Եվրոպայի առաջնությունն էր։ Սա էլ առաջնության գլխավոր երգն է: Բրիտանացի երկրպագուները ճիչը՝ Ֆրանսիայի առաջնության ոչ պաշտոնական սաունդթրեք, որը միլիոն անգամ հայտնի է Դևիդ Գետայի պաշտոնական սաունդթրեքից:

Եվրո-2016-ի հիմնը

Անգլիացի, ուելսցի, իռլանդացի, հյուսիսիռլանդացի երկրպագուների երգն արագորեն հարազատ դարձավ նաև մյուս երկրների երկրպագուների համար: Արդյունքում այն կատարեցին բոլորը՝ պորտուգալացիներից մինչև ալբանացիներ: Երկրպագուներն իրար վարակում էին, ու դա իրոք հիասքանչ էր: Չնայած երգի բառերին՝ բրիտանացի գրեթե բոլոր երկրպագուներին շատ արագ «տուն ուղարկեցին», միայն ուելսցիները մնացին գրեթե մինչև եզրափակիչ:

Don't take me home
Please don't take me home
I just don't want to go to work
I wanna stay here
Drink all your beer
Please don't take me home. 

«Ուիլ Գրիգը կրակի մեջ»

Բրիտանացիները Եվրոպայի առաջնության ժամանակ ևս մեկ երգ ներկայացրին: «Ուիգանի» ու Հյուսիսային Իռլանդիայի հարձակվող Ուիլ Գրիգի մոլի երկրպագու Շոն Քենեդին կատարում նվիրեց իր սիրելի ֆուտբոլիստին ու այն 2016-ի մայիսի 7-ին տեղադրեց «YouTube»-ում: 

Երկրպագուները նոր բառերը հարմարեցրին Գալա Ռիցատոյի 1990-ականների հայտնի «Freed drom Desire» երգի երաժշտությանը, ապա Քենեդին տեսախցիկի առաջ ինքնուրույն կատարեց այն: Տեսանյութը վայրկենապես ողողեց համացանցը: Տեքստը շատ պարզ է. «Նա գոլեր կխփի, կխփի ավելի ու ավելի շատ: Նա գոլեր կխփի։ Հենց դրա համար ենք նրան ձեռքբերել: Ուիլ Գրիգը կրակի մեջ է, իսկ ձեր պաշտպանությունը՝ սարսափի»:

Հարձակվողն այդպես էլ ոչ մի րոպե առաջնությունում չխաղաց, բայց հենց նրա անունն էին երկրպագուներն առավելապես վանկարկում: Օրինակ՝ Գերմանիայի դեմ խաղում երկրպագուներն 90 րոպե հնչեցրին այդ կատարումը: Խաղից առաջ լրագրողները փորձեցին հետաքրքրվել, թե Մաթս Հյումմելսը չի՞ վախենում Ուլի մասին գրված երգից: Գերմանացին պատասխանել էր, որ ինքն էլ սիրում է այդ կատարումը. «Ինձ այդ երգը շատ է դուր գալիս, նույնիսկ դիտել եմ տեսահոլովակը»:

Երգը վարակեց նաև ֆուտբոլային հեղինակությունների: «Մանչեսթեր Յունայթեդի» լեգենդ Էրիկ Կանտոնան բրիտանական հեռուստաընկերության համար նկարահանված տեսանյութերից մեկում կատարեց Ուիլ Գրիգի մասին երգը:

Պարզապես «Հու»

Սա իհարկե երգ չէ, բայց յուրահատուկ սաունդթրեք է ու պատկանում է 2016-ի լավագույն հեքիաթներից մեկին: Անկեղծ ու կրքոտ իսլանդական հավաքականը Եվրոպայի առաջնության ժամանակ անսպասելիորեն հասավ մինչև 1/4 եզրափակիչ՝ պայքարից դուրս թողնելով անգլիացի միլիոնատերերին:

Իսլանդացիներին ամբողջ աշխարհը սիրեց ու ոչ միայն խաղի, այլ երկրպագուների նկատմամբ հիասքանչ վերաբերմունքի համար: Սիգուրդսոնն ու թիմակիցներն ամեն խաղից հետո անպայման մոտենում էին երկրպագուներին ու նրանց հետ կատարում էին «վիկինգների ձայները»: Պետք է նշել, որ առանց դրա էլ իսլանդացիների մարտական պատրաստվածությունը կասկածի տակ չէր։

«Fire»

2016-ի գլխավոր հեքիաթը մեզ «Լեսթերը» նվիրեց: Թիմը վերցրեց ու հաղթեց Անգլիայի առաջնությունում: Դա այն դեպքում, երբ մրցաշրջանի մեկնարկին շատերը կանխատեսում էին «Լեսթերի»՝ Պրեմիեր լիգայից դուրս մնալը: 

Չեմպիոնությունն անհնար կլիներ առանց ֆուտբոլիստների տրամադրվածության: Դրան մեծապես նպաստել է հայտնի «Kasabian» խմբի «Fire» երգը: Խմբի անդամները «Լեսթերի» երկրպագուներ են, դրա համար էլ ընտրությունը հենց այդ երգի վրա է կանգնել: Արդյունքում երգը դարձել է լեսթերյան հաջողության օրհներգը:

«Ես ֆուտբոլիստներին ասացի. «Երբ դաշտ դուրս գաք, կլսեք այս երգը: Դա նշանակում է, որ դուք մարտիկներ պետք է դառնաք ու պայքարեք մինչև վերջ»»,-ասել է Կլաուդիո Ռանյերին:

«Օլե օլա»

Եվրո-2016-ն անցյալում է, իսկ Մունդիալ-2018-ը՝ առջևում: Մունդիալի ընթացքում, հավանաբար, երգերի պակաս չի լինի։ Օրինակ՝ տատիկների․․․ «Բուրանովյան տատիկների» «Օլե օլա» երգը։

Եվրատեսիլ 2012-ի արծաթե մեդալակիրները վերոնշյալ երգի տեսահոլովակն են թողարկել ու այն նվիրել Մունդիալ 2018-ին: Ռուսաստանի առաջնության՝ «Կռիլյա Սովետով»-ԲԿՄԱ (1:2) խաղի մեկնարկից 30 րոպե առաջ տատիկները ներկայացրին իրենց ֆուտբոլային երգը: Արտասահմանցի երկրպագուներին երգը դո՞ւր կգա, թե՞ ոչ, դեռ հայտնի չէ, բայց ռուս երկրպագուներն այն հավանել են:

Լրահոս
«Արթիկ»-ը հաղթել է «Արցախ»-ին. բասկետբոլ Արոնյանը մեկնարկում է Լոնդոնի դասական մրցաշարում Հայտնի են ֆուտբոլի Մ-21 հավաքականի մրցակիցները Չեմպիոնների լիգայում կկայանան խմբային փուլի վերջին հանդիպումները Լևոն Արոնյանը ցուցադրական ելույթ է ունեցել Լոնդոնում Հրանտ Մելքումյանը երկրորդ անընդմեջ հաղթանակը տոնեց Լոնդոնում Նորբերտո Բրիասկո-Բալեկյանը մասնակցեց «Ատլետիկո Ուրական»-ի հերթական խաղին Երևանում կանցկացվի արևելաեվրոպական երկրների վոլեյբոլի առաջնությունը Հրանտ Մելքումյանը հաղթանակով մեկնարկեց London chess classic FIDE open-ում Լողորդները մեկնարկում են աշխարհի առաջնությունում Աշխարհի ակումբային առաջնության մասնակից թիմերը հայտնի են Դահուկորդ Միքայել Միքայելյանը ոսկե մեդալ է նվաճել միջազգային մրցաշարում «Արսենալ»-ի մեկնարկային կազմը. Մխիթարյանը չի խաղա առաջին րոպեից Դահուկորդ Միքայել Միքայելյանը բրոնզե մեդալ է նվաճել Ֆինլանդիայում Մխիթարյան. Վերադառնանք հաղթական ուղի «Արցախ»-ի ֆուտբոլիստը հրավիրվել է Մ19 տարեկանների թիմ Լևոն Արոնյանը մեկնարկում է London chess classic-ում «Տարվա լավագույն մարզիկի» կոչման համար կպայքարեն 21 մարզիկներ Մանուէլ Պետրոսյանը դեռևս երկրորդն է Հռոմի շախմատային մրցաշարում Սարգիս Ադամյանը դարձել է գոլի հեղինակ. թիմը պարտվել է ՖԻՄԱ-ն զիջեց «Էրեբունի»-ին. բասկետբոլ «Փյունիկ»-ը պաշտոնական հայտարարություն է արել «Ալաշկերտի» ֆուտբոլիստը հրավիրվել է Մ-19 հավաքական «Փյունիկ»-ը կբողոքարկի ՀՖՖ որոշումը Հայկ Մարտիրոսյանը կմասնակցի Ցյուրիխի մրցաշարին «Մանչեսթեր Յունայթեդ»-ը փոխարինող է գտել Մոուրինյոյի համար «Բանանց»-ը 12 ֆուտբոլիստ է հրավիրել մինչև 19 տարեկանների թիմ Բենզեման ճանաչվել է «Ռեալ»-ի ամսվա լավագույն ֆուտբոլիստ Ռոնալդուն դարձել է «Յուվենտուս»-ի ամսվա լավագույն ֆուտբոլիստ Մանուէլ Պետրոսյանն ընթանում է Հռոմի բաց առաջնության առաջատարների թվում «Բավարիա»-ն ուզում է իր կազմում տեսնել Իսկոյին «Փյունիկ»-ի մարզիչ Տալալաևը որակազրկվել է մինչև մրցաշրջանի ավարտը Օզիլը չի մասնակցի «Արսենալ»-ի հաջորդ խաղին ևս Բասկետբոլ. «Ուրարտու»-ն վերջապես կարողացավ հաղթել «Արագած»-ին Կայացավ ֆուտբոլի Եվրոպայի Մ-19 առաջնության որակավորման փուլի վիճակահանությունը Հայաստանը ներկայացնող լողորդները կմասնակցեն աշխարհի առաջնությանը Հայտնի են Հայաստանի ֆուտբոլի Մ-17 հավաքականի մրցակիցները Բոլոր թիմերի դեմ էլ կարելի է պայքարել. Արմեն Գյուլբուդաղյանց «Արսենալ»-ը ոչ-ոքի խաղաց «Մանչեսթեր Յունայթեդ»-ի հետ. Մխիթարյանը գոլային փոխանցման հեղինակ Գևորգ Օհանյան. «Գավաթի խաղարկությունում կրած պարտությունն ահազանգ էր մեզ համար»
website by Sargssyan