USD
EUR
RUB

U-21. 2016 թվականի լավագույն ռմբարկուները

Այսօրվա երիտասարդները, որ տարիներ անց փայլելու են ֆուտբոլային խոշորագույն մրցանակաբաշխությունների բեմերին:

Ներկայացնում ենք 2016 թվականի մինչև 21 տարեկան ֆուտբոլիստներից 10 լավագույն գոլահարներին։ Աղյուսակը կազմելիս հաշվի են առնվել աշխարհի 12 լավագույն առաջնություններից երիտասարդ ֆուտբոլիստների՝ բացառապես 2016 թվականի ընթացքում մեծահասակների մակարդակում խփած գոլերը։

10. Դելե Ալի («Տոտենհեմ») -14 գոլ

«Tuttosport»-ի փորձագետները, կարծես, փոքր-ինչ շտապեցին՝ լավագույն երիտասարդ ֆուտբոլիստի համար նախատեսված «Golden Boy» մրցանակը հանձնելով Ռենատու Սանշեշին։ Անցյալ տարի աշխարհի լավագույն երիտասարդ ֆուտբոլիստների շարքում առանձնացավ Դելե Ալին, ով 12 ամիս շարունակ «Տոտենհեմի» կազմում կայուն ֆուտբոլ ցուցադրեց: Անգլիացին ճիշտ ճանապարհով մոտենում է աշխարհի լավագույն կիսապաշտպանի տիտղոսին: 

7-9. Ամինու Ումար («Օսմանլիսպոր») -15 

Տիպիկ նիգերիացի հարձակվողը պետք է արագ լինի, էներգետիկ ու շարժուն, լավ հարվածների տիրապետի, տեխնիկապես լավ զարգացած լինի: Ումարը հենց այդպիսի հարձակվող է, ով Թուրքիայի առաջնության պաշտպաններին վախեցնում է հատկապես արագությամբ: 

7-9. Սեբաստյան Դրիուսի («Ռիվեր Փլեյթ») -15

Դժվար է գտնել պատճառ, որ կխանգարի Դրիուսիին թոփ-առաջնություններից որևէ մեկում հայտնվել: Սեբաստյանը  շատ արագ չէ, միջին հասակի է, առանց դրիբլինգի, բայց նկատելի տեխնիկա ունի: Նա զգում է պահն ու գնդակը, շեշտակի հարվածների է տիրապետում: 

Կարդացեք նաև՝ 

7-9. Ուսման Դեմբելե («Բորուսսիա Դորտմունդ») -15

Երիտասարդ ֆրանսիացին աչքի է ընկել, բայց չի փայլել երիտասարդական ֆուտբոլում։ Մեկ էլ հանկարծ հայտնվել է «Ռենում» ու դարձել Լիգա 1-ի լավագույն ֆուտբոլիստը, ապա ավելի խելամիտ գումարի դիմաց նախընտրել Դորտմունդը: Դեմբելեն արագորեն հարմարվեց Բունդեսլիգային ու հիմա երկրպագուներին հիացնում է հատկապես դրիբլինգով: Նա արդեն աշխարհի լավագույն երիտասարդների ցուցակում է, բայց թվում է՝ տարիներ անց մենք պարզապես կասենք՝ Ուսմանը լավագույնն է աշխարհում:

6. Սերժ Գնաբրի («Վերդեր») -16 

Գնաբրիի՝ Բունդեսթիմում հիանալի դեբյուտը «Վերդերին» առիթ տվեց սոցիալական ցանցերում «Արսենալին» երեսով տալ երիտասարդ աստղին հեշտությամբ զիջելու համար։

 

Գերմանիայի հավաքականի կազմում հեթ-տրիկն այնքան տպավորիչ չէ, եթե հիշենք, որ տուժեց Սան Մարինոյի ընտրանին, բայց Գնաբրին իր մակարդակը ցուցադրել է նաև ավելի լուրջ մրցակիցների դեմ խաղերում: Դե ինչ, հորիզոնում արդեն նշմարվում են «Բավարիայի» միլիոնները․․․

5. Անտոնի Մարսիալ («Մանչեսթեր Յունայթեդ») -16 

Տաղանդավոր ֆրանսիացին անցյալ տարի քիչ է խաղացել կենտրոնական հարձակվողի դիրքում, իսկ աշնանն առհասարակ հազվադեպ է դաշտ դուրս եկել, սակայն դա Անտոնիին չի խանգարել 16 գնդակ խփել ու վաստակել իր սերնդի ամենախոստումնալից ֆուտբոլիստներից մեկի կարգավիճակը: Շատ շուտով «Մոնակոն» կսկսի բոնուսներ ստանալ նրա տրանսֆերի համար, որի գագաթնակետը «Ոսկե գնդակն» է:

4. Սերդար Ազմուն («Ռոստով») - 20 

Իրանցու անունը հետաքրքրում է աշխարհի լավագույն սկաուտներին: Մի քանի տարի ևս, ու Ազմունը կդառնա Ասիայի լավագույն ֆուտբոլիստը:

3. Կելեչի Իխեանաչո («Մանչեսթեր Սիթի») - 20 

Նիգերիացի ֆուտբոլիստը Խոսեպ Գվարդիոլայի օրոք մի փոքր կոտրվել է: Պահեստայինների կարճ նստարանն ու Ագուերոյի վնասվածքները նրան խաղաժամանակ են տալիս, բայց Իխեանաչոն այնքան էլ լավը չէ «կեղծ 9»-ի դիրքում: Նրա բնույթը չի համապատասխանում այն խաղաոճին, որ Գվարդիոլան է պահանջում: Ամեն դեպքում Գվարդիոլան պետք է նկատի ունենա, որ անցյալ տարի Կելեչին կարողացել է 20 գնդակ խփել:

2. Գաբրիել Ժեզուշ («Պալմեյրաս») - 24 

Հիասքանչ բրազիլացի, ում անձամբ Ռոնալդոն է գովաբանում։ Ժեզուշը Բրազիլիայում ավարտել է մրցաշրջանն ու հիմա պատրաստ է նվաճել Անգլիան: «Մանչեսսթեր Սիթիի» 19-ամյա նորեկն անցյալ տարի 24 գնդակ է խփել ու դա այն դեպքում, երբ լավագույն մարզավիճակում չէր: Տարվա սկզբին էլ Գաբրիելը 5 գնդակ խփեց նահանգների առաջնությունում, բայց հասկանալի պատճառներով աղյուսակում դրանք հաշվված չեն:

1. Անդրե Սիլվա («Պորտու») - 25

Լուրեր են շրջանառվում, որ «Ռեալը» Անդրեի համար 58 մլն եվրո է առաջարկել, ու թիմի երկրպագուներին արդեն տանջում է հարցը, թե ո՞վ է նա: Նա պորտուգալացի առաջին կենտրոնական հարձակվողն է Պաուլետայից հետո: Պորտուգալացիներն այդ դիրքում ֆուտբոլիստներ ունեցել են, բայց նշանավոր որևէ մեկը չի եղել: Եթե ինքներդ ձեզ հարցնելու լինեք, արդյո՞ք նա արժե 58 մլն, հիշեք, որ այս տղան 2016-ին ավելի շատ գնդակ է խփել, քան Բենզեման ու Մորատան:

loading...
Լրահոս
Թոփ-5 առաջնություններ. Բալոտելլին` ամենաշատ կարմիր քարտ ստացած ֆուտբոլիստ (տեսանյութ) Իբրահիմովիչն իր ստվերի տակ է թողել Ռեշֆորդին (ծաղրանկար) Գաբուզյանն ու Սիմոնյանը հաղթել են NBA-ում սուպերփոխանակում է կատարվել Դանի Ալվես. «Բարսելոնայի» ղեկավարությունում ստախոս ու անշնորհակալ մարդիկ են «Բանանցը» հաղթանակով է ավարտել հավաքը (տեսանյութ) «Փյունիկ» - «Կրասնոդար-2» խաղի ուշագրավ պահերը (տեսանյութ) Գվարդիոլան պաշտպանել է Վենգերին Աֆրիկայի Գավաթ-2017-ի լավագույն ֆուտբոլիստը տեղափոխվել է Չինաստան Տիգրան Բարսեղյանը պաշտոնական նորամուտն է նշել «Վարդարում» (տեսանյութ) Լուիս Էնրիկե. Նույնիսկ գոլ խփելուց հետո վստահության պակաս էինք զգում Արկադի Մկրտչյանը միանում է Մայք Հակոբյանի արդյունավետությանը Մխիթարյանն ընդդեմ «Բլեքբեռնի» (անհատական վիճակագրություն և տեսանյութ) Լատվիայի չեմպիոնին «Բանանցի» խփած գեղեցիկ գոլերը (տեսանյութ) ՖԻԴԵ-ի Գրան Պրի. Արոնյանի պարտիան կրկին կարճ է ստացվել (կատարված քայլեր) Բոլոր աստղերի խաղ. «Արևմուտքը» հաղթել է «Աևելեքին» (տեսանյութ) «Պարի Սեն Ժերմենը» և «Թուլուզը» հաղթողին չորոշեցին (տեսանյութ) Դեուլոֆեուի գոլը հաղթական էր «Միլան»-«Ֆիորենտինա» խաղում (տեսանյութ) Մեսսիի 11-մետրանոց հարվածի շնորհիվ «Բարսելոնան» հաղթեց «Լեգանեսին» (տեսանյութ) «Ռոման» խոշոր հաշվով հաղթեց «Տորինոյին» (տեսանյութ) Անգլիայի գավաթ․ Հայտնի են 1/4 եզրափակչի զույգերը Անգլիայի գավաթ․ «Մանչեսթեր Յունայթեդը» հաղթահարեց 1/8 եզրափակչի արգելքը (տեսանյութ) Նանիի և Ձաձայի գոլերի շնորհիվ «Վալենսիան» հաղթեց «Ատլետիկին» (տեսանյութ) «Բլեքբեռն»-«Ման․ Յունայթեդ»․ Հենրիխ Մխիթարյանը գոլային փոխանցում կատարեց (տեսանյութ) Անգլիայի գավաթ․ Քեյնի հեթ-տրիկի շնորհիվ «Տոտենհեմը» դուրս եկավ 1/4 եզրափակիչ (տեսանյութ) Անգլիայի գավաթ․ «Ման․ Յունայթեդի»՝ «Բլեքեռնի» դեմ խաղի մեկնարկային կազմը «Ֆիրդուսի գավաթ». Կայացել են 8-9-րդ տուրերը Շեմպը դարձավ աշխարհի չեմպիոն (տեսանյութ) Մարսելո Բյելսան պաշտոնապես վերադառնում է. «Ինտերը» խաղավերջում հաղթանակ է կորզել (տեսանյութ) «Ռեալ Սոսյեդադ» – «Վիլյառեալ» խաղի ելքը որոշվել է 94-րդ րոպեին (տեսանյութ) Մ-16. Հայաստանի հավաքականը 11-մետրանոցներով հաղթել է Անդորրային Աշխարհի առաջնություն. Դալմայերը՝ մասս-ստարտի չեմպիոն և ընդհանուր ռեկորդակիր (տեսանյութ) Գորդոնը` հեռահար նետումների չեմպիոն (տեսանյութ) Անչելոտին՝ «Հերտայի» երկրպագուներին միջնամատ ցույց տալու պատճառի մասին «Արարատը» հավասարեցրել է ընդհանուր հաշիվը Մոուրինյու. Մի քանի տարի անց կհասկանաք, որ Պոգբայի համար քիչ ենք վճարել Թոփ-5 առաջնություններում 10 գոլային փոխանցում կատարած առաջին ֆուտբոլիստը Թռչելով երեք մարդկանց վրայով. Դանքերի մրցույթը նոր հաղթող ունի (տեսանյութ) «Ռեալն» ակումբային ռեկորդ է սահմանել
website by Sargssyan