ՀՀ տղամարդկանց և կանանց առաջնություններ. 1-ին տուրի արդյունքները
Նմանատիպ
Երեկ տեղի ունեցան շախմատի Հայաստանի տղամարդկանց և կանանց առաջնությունների առաջին տուրի պարտիաները:
Տղամարդկանց մրցաշարում գործող չեմպիոն Զավեն Անդրիասյանը սև խաղաքարերով առավելության հասավ Սամվել Տեր-Սահակյանի նկատմամբ: Առաջին տուրում Տիգրան Լ. Պետրոսյանի նկատմամբ կարևոր հաղթանակ տոնեց Ռոբերտ Հովհաննիսյանը: Մրցաշարը հաղթանակով մեկնարկեց նաև Հովհաննես Գաբուզյանը, ով առավելության հասավ Կարեն Գրիգորյանի նկատմամբ: Աշխարհի մինչև 18 տարեկանների չեմպիոն Մանուէլ Պետրոսյանը ոչ-ոքի խաղաց աշխարհի մինչև 16 տարեկանների չեմպիոն Հայկ Մարտիրոսյանի հետ: Ոչ-ոքի արդյունք գրանցվեց նաև Տիգրան Հարությունյան-Արման Փաշիկյան պարտիայում:
Երկրորդ տուրի զույգեր
- Անդրիասյան – Գրիգորյան
- Պետրոսյան Տ. – Գաբուզյան
- Մարտիրոսյան – Հովհաննիսյան
- Փաշիկյան – Պետրոսյան Մ.
- Տեր-Սահակյան – Հարությունյան
Կանանց մրցաշարի մեկնարկային տուրում գործող չեմպիոնուհի Մարիա Գևորգյանը մրցեց 2015 թվականի չեմպիոնուհու` Սուսաննա Գաբոյանի հետ: Սկզբունքային պարտիայում ուժեղ գտնվեց Գևորգյանը: Առաջին տուրում հաղթանակներ տոնեցին նաև Մարիամ Ավետիսյանը, Արփինե Գրիգորյանն ու Աննա Հայրապետյանը: Միակ ոչ-ոքին գրանցվեց Արմինե Բաբայան – Աննա Սարգսյան պարտիայում:
Երկրորդ տուրի զույգեր
- Ղուկասյան – Առաքելյան
- Գաբոյան – Հայրապետյան
- Գասպարյան – Գևորգյան
- Սարգսյան – Գրիգորյան
- Ավետիսյան – Բաբայան։