«Էվերթոնը» 4 անպատասխան գնդակ խփեց «Ման․ Սիթիի» դարպասը (տեսանյութ)
15/01/2017 19:27
Նմանատիպ
Անգլիայի Պրեմիեր լիգայի 21-րդ տուրում «Մանչեսթեր Սիթին» խոշոր հաշվով պարտվեց «Էվերթոնին»։ «Գուդիսոն Պարկում» կայացած հանդիպման առաջին կեսն անցավ ակտիվ պայքարում, թիմերի արագ գրոհների պայմաններում, սակայն արձանագրվեց մեկ գոլ․ 34-րդ րոպեին դաշտի տերերին առաջ մղեց Ռոմելու Լուկակուն։
Երկրորդ խաղակեսում «քաղաքայիններն» ավելի շատ տիրեցին գնդակին (72%-28%), ավելի շատ հարվածներ կատարեցին (12:6), սակայն ևս 3 գնդակ բաց թողեցին․ մեկական անգամ աչքի ընկան Կևին Միրալյասը, Թոմ Դևիսը և Ադեմոլա Լուկմանը։
Այս հաղթանակից հետո «Էվերթոնն» ունի 33 միավոր և զբաղեցնում է 7-րդ հորիզոնականը, իսկ «Մանչեսթեր Սիթին» մնաց 42 միավորով՝ 5-րդ տեղում։
Անգլիայի Պրեմիեր լիգա, 21-րդ տուր
«Էվերթոն» – «Մանչեսթեր Սիթի»՝ 4։0
Գոլերը՝ Լուկակու 34՛, Միրալյաս 47՛, Դևիս 79՛, Լուկման 90+4՛