Կազեմիրո․ Իմ գոլը տքնաջան մարզումների արդյունք է
16/02/2017 02:36
Նմանատիպ
«Ռեալի» կիսապաշտպան Կառլոս Կազեմիրոն Չեմպիոնների լիգայի 1/8 եզրափակիչ փուլի՝ «Նապոլիի» հետ խաղի (3:1) և խփած հրաշալի գոլի վերաբերյալ իր մեկնաբանությունն է տվել։
-Իմ գոլը տքնաջան մարզումների արդյունք է։ Վաղուց աշխատում եմ հեռահար հարվածներ կատարելու ուղղությամբ, քանի որ սովորաբար մոտ տարածությունից հարվածելու հնարավորություն չեմ ունենում։
Գիտեինք, որ «Նապոլիի» հետ բարդ է լինելու, բայց այսօր մենք ավելի լավ հանդես եկանք։ Երկրպագուները մեզ շատ օգնեցին, հաղթանակի գործում նրանք մեծ ներդրում ունեցան։ Ամեն դեպքում, դիմակայության ամենաբարդ մասը դեռ առջևում է։ «Նապոլին» մոտիվացված և վտանգավոր թիմ է սեփական խաղադաշտում,- Կազեմիրոյի խոսքը մեջբերում ենք «AS»-ից։
Հետևեք մեզ նաև Telegram-ում