Բեյլը խաղադաշտ կվերադառնա 3 ամսվա բացակայությունից հետո

«Ռեալի» գլխավոր մարզիչ Զինեդին Զիդանն այսօր կայացած մամուլի ասուլիսի ժամանակ տեղեկացրել է, որ կիսապաշտպան Գարեթ Բեյլն ընդգրկված է Իսպանիայի առաջնության 23-րդ տուրի՝ «Էսպանյոլի» դեմ խաղի հայտացուցակում և խաղաժամանակ կստանա։

«Բեյլն արդեն մեզ հետ է։ Նա հայտացուցակում է, և մենք ծրագրել ենք, որ նրան խաղաժամանակ կհատկացնենք»,- Զիդանի խոսքը մեջբերված է «AS»-ից։

Հիշեցնենք, որ Գարեթ Բեյլը ոտնաթաթի վնասվածք էր ստացել Չեմպիոնների լիգայի խմբային փուլի 5-րդ տուրի՝ «Սպորտինգի» հետ նոյեմբերին կայացած խաղում (2:1), ինչից հետո վիրահատության էր ենթարկվել։

«Ռեալ»-«Էսպանյոլ» հանդիպումը կայանալու է փետրվարի 18-ին, մեկնարկը՝ Երևանի ամանակով 19։15-ին։ Առաջիկա խաղի համար Զիդանը հայտավորել է հետևյալ ֆուտբոլիստներին․

Դարպասապահներ՝ Կասիլյա, Յանյես, Լուկա Զիդան։

Պաշտպաններ՝ Կարվախալ, Պեպե, Վարան, Նաչո, Մարսելո։

Կիսապաշտպաններ՝ Կրոս, Խամես, Կազեմիրո, Կովաչիչ, Ասենսիո, Իսկո։

Հարձակվողներ՝ Ռոնալդու, Բեյլ, Լուկաս Վասկես, Մարիանո, Մորատա։