«Ռեալն» ակումբային ռեկորդ է սահմանել

Իսպանիայի առաջնության 23-րդ տուրում «Ռեալը» սեփական հարկի տակ 2:0 հաշվով հաղթել է «Էսպանյոլին»:

Այսպիսով, մադրիդյան թիմը 42-րդ անընդմեջ խաղում գոլ է խփում, ինչն «Արքայական ակումբի» պատմության նոր ռեկորդն է,- հայտնում է «Gracenote Live»-ը:

Վերջին անգամ Զինեդին Զիդանմի թիմը մրցակցի դարպասը չի գրավել 2016 թվականի ապրիլի 26-ին կայացած Չեմպիոնների լիգայի կիսաեզրափակիչ փուլի՝ «Մանչեսթեր Սիթիի» հետ արտագնա խաղում (0:0):

Իսպանական թիմերից բացարձակ ռեկորդը պատկանում է «Բարսելոնային», որը 1942-1944 թվականների ընթացքում 44 անընդմեջ խաղում գոլ է խփել: