Տորրեսն ուշքի է եկել. Հուսով եմ` շուտով շարք կվերադառնամ
03/03/2017 10:25
Նմանատիպ
«Ատլետիկոյի» հարձակվող Ֆերնանդո Տորրեսն Իսպանիայի առաջնության 25-րդ տուրի՝ «Դեպորտիվոյի» հետ արտագնա խաղում (1:1) Ալեքս Բերգանտինյոսի խախտումից հետո անհաջող է ընկել խոտածածկին և կորցրել է գիտակցությունը: Մի քանի րոպե շարունակ խաղընկերների, ապա նաև բժիշկների կողմից ստացած օգնությունից հետո իսպանացուն տեղափոխել են հիվանդանոց:
Մադրիդցիների պաշտոնական կայքը տեղեկացնում է, որ 32-ամյա ֆուտբոլիստը խուսափել է գանգուղեղի վնասվածքից, նրա վիճակը կայուն է և նա գտնվում է սթափ վիճակում: Հարձակվողն ուշքի է եկել «Ռիասոր» մարզադաշտի թունելում:
«Շնորհակալ եմ խնամքի ու աջակցության համար: Միայն վախեցել էի: Հուսով եմ` շուտով շարք կվերադառնամ»,- թվիթերյան իր էջում գրել է իսպանացին:
Գիշերը Տորրեսն անցկացրել է հիվանդանոցում:
Հետևեք մեզ նաև Telegram-ում