Եվրոպայի առաջնությանը մասնակցում է Հայաստանի 5 աթլետ
03/03/2017 13:42
Նմանատիպ
Մարտի 3-5-ը, Բելգրադում կանցկացվի ծածկած մրցատարածությունում աթլետիկայի Եվրոպայի առաջնությունը: Հայաստանը մայրցամաքի առաջնությանը կներկայացնի 5 մարզիկ: Այդ մասին ՀԱՕԿ լրատվականին հայտնել է աթլետիկայի ֆեդերացիայի գլխավոր քարտուղար Նարինե Շահբազյանը:
Սերբիայի մայրաքաղաքում հանդես կգան Լևոն Աղասյանը (եռացատկ), Տիգրան Մկրտչյանը (վազք, 800մ), Երվանդ Մկրտչյանը (վազք, 1500մ), Գայանե Չիլոյանը (վազք, 60մ) և Ամալյա Շարոյանը (վազք, 400մ և հեռացատկ):
Հավաքականի հետ միասին Սերբիա են մեկնել ազգային ֆեդերացիայի նախագահ Ռոբերտ Էմմիյանը և մարզիչ Արսեն Պետրոսյանը:
Լուսանկարը` Ռոբերտ Էմմիյանի անձնական արխիվից
Հետևեք մեզ նաև Telegram-ում