Ավարտվել է լեռնադահուկային սպորտի Հայաստանի բաց առաջնությունը
Նմանատիպ
Ծաղկաձորում ավարտվեց լեռնադահուկային սպորտի Հայաստանի բաց առաջնությունը: Մարզիկները մրցեցին հատուկ եւ հսկա ոլորավայրէջքներում:
ՀԱՕԿ լրատվականի հետ զրույցում Հայաստանի դահուկային սպորտի ֆեդերացիայի գլխավոր քարտուղար Գագիկ Սարգսյանը նշել է, որ հայ լեռնադահուկորդները վարկանիշային աղյուսակում բարելավեցին դիրքերը.
«Լեռնադահուկային սպորտում տղաները վաստակեցին վարկանիշային միավորներ: Կարծում եմ, որ մրցաշրջանը լավ դիրքերից կսկսեն: Հուսանք` կունենաք այնքան միավորներ, որ կկարողանանք քվոտա ստանալ: Ցավոք, մենք միայն մեկ քվոտա ենք ակնկալում:
Հայաստանի բաց առաջնության արդյունքները բավարար էին: Երիտասարդներից աչքի ընկան Աշոտ Կարապետյանը, Վազգեն Առաքելյանը, Հարություն Հարությունյանը, Գրիշա Վարդանյանը: Բայց, միեւնույն ժամանակ, աշխատելու շատ տեղ ունենք: Երիտասարդ տղաներից ավելի բարձր արդյունքներ էինք ակնկալում:
Մեր աղջիկները դեռ փոքր են: Ընդհատում ունեցանք լեռնադահուկային սպորտում: Այժմ տարեցտարի աճ ենք գրանցում»,- ասել է ֆեդերացիայի գլխավոր քարտուղարը և ավելացրել, որ մի քանի օրից հայ լեռնադահուկորդները կմեկնեն Ավստրիա՝ մասնակցելու վարկանիշային մրցաշարի:
Դեռ հստակ որոշված չէ, թե ովքեր կլինեն թիմի կազմում: Այնուհետև, Ավստրիայում լեռնադահուկորդներն ուսումնամարզական հավաք կանցկացնեն:
Հետևեք մեզ նաև Telegram-ում