«Մանչեսթեր Սիթին» հրաժեշտ կտա 12 ֆուտբոլիստի, ևս 5-ի ապագան հարցականի տակ է
Նմանատիպ
«Մանչեսթեր Սիթիի» գլխավոր մարզիչ Խոսեպ Գվարդիոլան ընթացիկ մրցաշրջանի ավարտից հետո ծրագրում է հրաժեշտ տալ բազմաթիվ ֆուտբոլիստների,- գրում է «Daily Mail»-ը:
«Քաղաքայինների» շարքերը կարող են լքել 17 ֆուտբոլիստ: Այդ խաղացողներից 7-ի պայմանագրերի ժամկետները մոտենում են ավարտին և, ամենայն հավանականությամբ, նոր համաձայնագրեր չեն կնքվելու: Դա վերաբերվում է Վիլի Կաբալյերոյին, Գաել Կլիշիին, Պաբլո Սաբալետային, Բակարի Սանյային, Յայա Տուրեին, Խեսուս Նավասին ու Տոսինե Ադարբիոյոյին:
Եվս 5 ֆուտբոլիստներ վարձավճարով գտնվում են այլ ակումբներում և նույնպես մոտ են վերջանականապես «Մանչեսթեր Սիթին» լքելուն: Դրանք են` Ջո Հարտը, Էլիակիմ Մանգալան, Սամիր Նասրին, Վիլֆրիդ Բոնին ու Ժեզոն Դեյնաերը:
Հարցականի տակ են Սերխիո Ագուերոյի, Վենսան Կոմպանիի, Ֆերնանդոյի, Ֆաբիան Դելֆի ու Կելեչի Իհեանաչոյի ապագան:
Հետևեք մեզ նաև Telegram-ում