USD
EUR
RUB

Արթուր Ոսկանյան. Եթե 1 մետրից գոլ չենք խփում, ինչպե՞ս կարող ենք հաղթել

Բարձրագույն խմբի առաջնության 20-րդ տուրում «Բանանցը» հերթական պարտությունը կրեց: Երևանցիները սեփական հարկի տակ 0:3 հաշվով պարտվեցին «Փյունիկին»: Խաղից հետո «Բանանցի» գլխավոր մարզիչ Արթուր Ոսկանյանն իր մեկնաբանությունը տվեց։

«Խաղի մասին շատ բան չեմ կարող ասել․ եթե 1 մետրից գոլ չենք խփում, ինչպե՞ս կարող ենք սպասել, որ կհաղթենք»,- ասաց Ոսկանյանը։

Խաղասկզբում տանտերերը երկու գոլային պահ ունեին, որոնք չիրացնելուց հետո սկսեցին ավելի պասիվ գործել հարձակման գծում: Ոսկանյանը դա հետևյալ կերպ բացատրեց․

«Արդեն որերրորդ խաղն է՝ վնասվածքով ֆուտբոլիստ ունենք: Նենադ Ինյացը երևի 10-րդ րոպեից վնասվածք ստացավ և մի կերպ ավարտեց առաջին կեսը: Կարծես թե առջևի գծում մեկ ֆուտբոլիստ պակաս լինեինք: Դա է պատճառը, որ տեմպը թուլացավ»:

Նախորդ հանդիպման համեմատ «Բանանցի» մեկնարկային կազմում մի շարք փոփոխություններ էին կատարվել: Այդ թվում՝ դարպասապահ Արամ Հայրապետյանի փոխարեն խաղադաշտ էր դուրս եկել Ստեփան Ղազարյանը: Այդ փոփոխությունների վերաբերյալ Ոսկանյանն ասաց.

«Մենք հայտարարել ենք, որ փորձելու ենք խաղային պրակտիկա տրամադրել մեր երիտասարդ ֆուտբոլիստներին: Քանի որ առաջնությունն արդյունքների տեսանկյունից մեզ համար վերջացած է, փորձում ենք բոլոր խաղացողներին փորձարկել:



Այսօր մեկնարկային կազմում չէր նաև Վլադկո Դրոբարովը, իսկ Արթուր Ավագյանն ու Վալտեր Պողոսյանն ընդհանրապես հգայտացուցակում չէին:

«Դրոբարովն անցած մրցավեճում վնասվածք ստացավ, նույնը նաև Հակոբ Համբարձումյանը: Չէինք ծրագրել մակեդոնացուն խաղադաշտ դուրս բերել, սակայն հանգամանքների բերումով ստիպված էինք դա անել: Ինչ վերաբերվում է Վալտեր Պողոսյանին, ապա նա դեռ նոր է սկսել մարզումները և դեռ պատրաստ չէ: Ավագյանը չխաղաց, որովհետև ուզում էինք գործի մեջ կրկին տեսնել Նարեկ Պետրոսյանին, պահեստայինների թվում էր նաև Ժիրայր Մարգարյանը, ով հնարավոր էր ասպարեզ դուրս գար, եթե չլինեին պարտադրված փոփոխությունները»,- ասաց մարզիչը։

Նորայր Գյոզալյանը կրկին խաղում էր իր համար անսովոր եզրային հարձակվողի դիրքում: Sport.Times.am-ը Ոսկանյանին հարցրեց, թե ինչպես է գնահատում Գյոզալյանի խաղը և արդյոք արդարացվում է նրան եզր տեղափոխելու որոշումը:

«Մինչև այսօր Գյոզալյանն այդ դիրքում լավ էր գործում, իրեն շատ լավ էր զգում այնտեղ: Մենք նույնպես գոհ ենք նրա խաղից: Պարզապես այսօր նրա խաղը չստացվեց: Նրան ձախ եզրից տեղափոխեցինք աջ, սակայն հետո փոխարինեցինք: Պատահում է, երբ ֆուտբոլիստի մոտ մի օր հաջող խաղ չի ստացվում: Նախորդ հանդիպումներում մեր ամենաուժեղ եզրը ձախն էր, որում հենց Գյոզալյանն էր գործում»:



«Բանանցը» վերջին անգամ պաշտոնական խաղում հաղթել է սեպտեմբերի 29-ին (արտագնա խաղում «Շիրակին»` 1:0): Sport.Times.am-ը երևանցիների մարզչից տեղեկացավ, թե առանց հաղթանակների շարքն ինչպես է ազդում թիմի վրա:

«Թիմի խաղում ավելորդ շտապողականություն կա: Ամեն դեպքում կցանկանամ ընդգծել, որ դա չի ազդել թիմի մթնոլորտի վրա, այն շատ լավ է: Ցավոք, հաղթանակը շատ է ուշանում: Տղաները չափազանց շատ են ուզում հաղթել և վերջ դնել այդ շարքին, ինչի պատճառով ակնհայտ գոլային իրավիճակներում վրիպումներ են թույլ տալիս: Այլ կերպ չեմ կարող բացատրել 2 մետրից դարպասը չգրավելու դրվագները: Դեռ անփորձ են»:

Ոսկանյանին հարց տրվեց նաև Արամ Լոռեցյանի ապաքինման ընթացքի մասին:

«Մեզ համար շատ լավ է ստացվում, որ հաջորդ շաբաթ հավաքականի խաղերն են և առաջնությունում տուր չի անցկացվելու: Այս ընթացքում սպասում ենք, որ կապաքինվեն ինչպես Արամ Լոռեցյանը, այնպես էլ Վալտեր Պողոսյանը, Հակոբ Հակոբյանը, Արամ Քոչարյանը, Հակոբ Համբարձումյանը: Բոլորն էլ փորձառու խաղացողներ են և նրանք շատ կօգնեն թիմին»,- խոսքը եզրափակեց Արթուր Ոսկանյանը։

 

Հայկ Հովհաննիսյան

Լրահոս
Սուարեսի և Պաուլինյոյի դուբլերի շնորհիվ «Բարսելոնան» հաղթեց «Դեպորտվոյին» (տեսանյութ) «Լիվերպուլը» ջախջախեց «Բորնմուտին» (տեսանյութ) «Մանչեսթեր Յունայթեդն» առանց Մխիթարյանի հաղթեց «Վեսթ Բրոմվիչին» (տեսանյութ) «Յուվենտուսը» շրջանցեց «Ինտերին» (տեսանյութ) «Վեսթ Բրոմվիչ» – «Մանչեսթեր Յունայթեդ». Հայտնի են թիմերի մեկնարկային կազմերը «Միլանը» խոշոր հաշվով պարտվեց հետնապահներից «Վերոնային» (տեսանյութ) «Ատլետիկոն» բարձրացավ երկրորդ հորիզոնական (տեսանյութ) 94-րդ րոպեին խփած գոլի շնորհիվ «Ռոման» հաղթեց «Կալյարիին» (տեսանյութ) «Բորուսսիան» կամային հաղթանակ տոնեց «Հոֆենհայմի» նկատմամբ (տեսանյութ) «Մանչեսթեր Սիթին» խոշոր հաշվով հաղթեց «Տոտենհեմին» (տեսանյութ) «Վալենսիան» արտագնա խաղում պարտվեց «Էյբարին» (տեսանյութ) «Նապոլին» հաղթեց «Տորինոյին» և դարձավ առաջատար (տեսանյութ) «Ռեալը» երկրորդ տարին անընդմեջ դարձավ Աշխարհի ակումբային առաջնության չեմպիոն (տեսանյութ) Նեյմար շոու․ «Պարի Սեն Ժերմենը» հաղթեց «Ռենին» (տեսանյութ) Օզիլի գոլը հաղթանակ պարգևեց «Արսենալին» (տեսանյութ) «Չելսին» նվազագույն հաշվով հաղթեց «Սաութհեմփթոնին» (տեսանյութ) Հայտնի են «Մանչեսթեր Սիթի» - «Տոտենհեմ» հանդիպման մեկնարկային կազմերը Մյուլլերի գոլը հաղթական էր «Շտուտգարտ» - «Բավարիա» խաղում (տեսանյութ) ԱԱԱ եզրափակիչ․ «Ռեալի» մեկնարկային կազմը Ա Սերիա․ «Ինտերն» առաջին պարտությունը կրեց (տեսանյութ) Պիկե․ Հիանալի կլինի, եթե Չեմպիոնների լիգայի եզրափակչում հաղթենք «Ման․ Սիթիին» Ջորկաեֆ․ Եթե ՊՍԺ-ն հաղթի «Ռեալին», կդառնա Չեմպիոնների լիգայի գավաթակիր Սերեսոն՝ Գրիզմանի հավանական տեղափոխության մասին․ «Ֆուտբոլում ռոմանտիկան տեղ չունի» Վենգեր․ «Մանչեսթեր Սիթին» հիմա ունի գաղափարներ և նավթ Վանդա Նառա․ Իկարդիի՝ «Ռեալի» տեղափոխություն մասին չեմ կարող այո կամ ոչ ասել WTA. Ռադվանսկան՝ տարվա լավագույն հարվածի հեղինակ (տեսանյութ) Մոուրինյու․ Լավ գումարի դիմաց ակումբը պատրաստ է վաճառել Մխիթարյանին և Շոուին «Մոնակոն» վերադառնում է». հերթական հաղթանակը (տեսանյութ) ESPN. Հայտնի է դարձել Մխիթարյանի չխաղալու իրական պատճառը Մուսա Դեմբելեն մեկ միլիոն ֆունտ արժողությամբ գանձեր է գտել Լա լիգա. Հայտնի է նոյեմբերի լավագույն ֆուտբոլիստը Պատմության ամենահարուստ մարզիկները «Mirror». Մոուրինյուն որոշել է հանուն Օզիլի վաճառել Մխիթարյանի տրանսֆերը «Ռեալը» խառնում է «Բարսելոնայի» ծրագրերը Ռուբեն Հայրապետյան. Մխիթարյանի շուրջ իրավիճակը չի կարող երկար շարունակվել Հայ մարմնամարզիկները կմասնակցեն միջազգային մրցաշարի ԱՊԼ. Նոյեմբերի լավագույն մարզիչը, ֆուտբոլիստը և գոլը (լուսանկարներ) Լամ. «Ոսկե գնդակը» վերածվել է հարձակվողների ճանաչվածության մրցույթի Սքոթի Պիպեն. Վիճակագրությամբ Լեբրոնը շրջանցել է Ջորդանին Ռայոլա. Դոնարումային օգտագործում են, որ ինձնից վրեժ լուծեն
website by Sargssyan