Մանրամասներ Գևորգ Ղազարյանի վնասվածքի վերաբերյալ
27/03/2017 00:16
Նմանատիպ
Ինչպես ավելի վաղ տեղեկացրել ենք, Աշխարհի 2018 թվականի առաջնության ընտրական փուլի՝ Հայաստան-Ղազախստան հանդիպման (2:0) առաջին րոպեին Գևորգ Ղազարյանը վնասվածք է ստացել։
ՀՖՖ պաշտոնական կայքի հետ զրույցում ազգային հավաքականի բժիշկ Կարեն Ստեփանյանը տեղեկացրել է, որ Ղազարյանի վնասվածքը բավականին լուրջ է: Նախնական հետազոտությամբ Գևորգի մոտ ախտորոշվել է ծնկի խաչաձև կապանների մասնակի պատռվածք և մենիսկի վնասվածք:
Ղազարյանի ոտքն այժմ գիպսի մեջ է: Նա վաղը կմեկնի Գերմանիա` հետազոտության: Ամենայն հավանականությամբ, Գևորգ Ղազարյանը կենթարկվի վիրահատության:
Հետևեք մեզ նաև Telegram-ում