CAS-ը չեղարկել է ՈւԵՖԱ-ի որոշումը
28/03/2017 18:30
Նմանատիպ
Լոզանի արբիտրաժային դատարանում (CAS) ՈւԵՖԱ-ն և «Պարտիզանը» հաշտություն են կնքել վերջինիս` եվրագավաթներից հեռացվելու կապակցությամբ ընթացող դատավարության շրջանակում:
Հունվարին ՈւԵՖԱ-ն սերբական ակումբին երեք տարով արգելել էր մասնակցել եվրագավաթներին: Նման որոշման պատճառ էին դարձել ֆինանսական «արդար խաղի» ու արտոնագրման համակարգի կանոնների խախտումները: «Պարտիզանը» հայտարարել էր, որ բոլոր պարտքերը մարելու է և դիմել էր CAS-ին:
Արբիտրաժային դատարանը որոշել է, որ բելգրադցիների պարտավորությունները լուծելի են և եվրագավաթներին մասնակցելու արգելքը հանել է:
Սերբիայի ընթացիկ առաջնությունում «Պարտիզանը» զբաղեցնում է երկրորդ տեղը, ինչը Եվրոպա լիգայի հաջորդ խաղարկությանը մասնակցելու իրավունք է տալիս:
Հետևեք մեզ նաև Telegram-ում