Վենգերի արձագանքը Սանչեսի խոսքերին. «Լոնդոնում միայն մեկ թիմ կա»
30/03/2017 17:24
Նմանատիպ
«Արսենալի» գլխավոր մարզիչ Արսեն վենգերը մեկնաբանել է թիմի հարձակվող Ալեքսիս Սանչեսի խոսքերը։ Վերջինս ցանկություն էր հայտնել մնալ Լոնդոնում, բայց խաղալ տիտղոսներ նվաճող ակումբում:
«Կարծում եմ` Սանչեսն ու Օզիլը ցանկանում են մնալ: Լոնդոնում միայն մեկ թիմ կա, Ալեքսիսն այստեղ ամեն ինչից գոհ է: Այո, Սանչեսի պայմանագրի ժամկետը դեռ չի երկարաձգվել, բայց հույս ունեմ, որ նա կմնա:
Ֆուտբոլիստների հարցազրույցներին, որոնք տրվել են նրանց երկրներում, հարկավոր է զգույշ վերաբերվել, որովհետև թարգմանությունը միշտ չէ, որ իրական միտքն է արտահայտում:
Սանչեսի խոսքերում ոչ մի բացասական բան չեմ տեսնում: Նա ասել է, որ ցանկանում է հաղթել առաջնությունը. բոլորն են դա ցանկանում: Ես ամբողջովին հասկանում եմ նրան»,- ֆրանսիացու խոսքերն է մեջբերում «The Guardian»-ը:
Հետևեք մեզ նաև Telegram-ում