Վենգեր․ Ամեն ինչ անում եմ, որ երկրպագուները երջանիկ լինեն
Նմանատիպ
«Արսենալի» գլխավոր մարզիչ Արսեն Վենգերը խոսել է լոնդոնյան ակումբում կարիերայի շարունակության մասին և անդրադարձել է երկրապագուների՝ իր հրաժարականը պահանջող ակցիաներին։
-Իմ ապագայի վերաբերյալ պաշտոնական հայտարարություն կանի միայն ակումբը։ Դեռևս հայտարարությունների համար շարժառիթներ չկան, իսկ ես ավելացնելու ոչինչ չունեմ։ Հասկանում եմ, որ շատերի համար հետաքրքիր թեմա է, բայց ինձ հետաքրքրում է միայն այն, ինչ խաղադաշտում է կատարվում։
«Արսենալն» այն տեղում չէ, որտեղ կցանկանար լիներ։ Մենք գիտենք՝ ինչ պետք է անենք։ Արդեն ցույց ենք տվել, որ միասնական ենք և այդ միասնականությունը պետք է պահպանենք մինչև մրցաշրջանի ավարտը։
Ինչ վերաբերվում է երկրպագուների ակցիաներին՝ իմ նպատակն է, որ բոլոր երկրպագուները երջանիկ լինեն։ Միշտ ամեն ինչ անում եմ դրա համար,- Վենգերի խոսքը մեջբերված է «The Mirror»-ից։
Հետևեք մեզ նաև Telegram-ում