«Լիվերպուլը» կամային հաղթանակ տոնեց «Սթոքի» նկատմամբ (տեսանյութ)
08/04/2017 19:55
Նմանատիպ
Անգլիայի Պրեմիեր լիգայի 32-րդ տուրում «Լիվերպուլն» արտագնա խաղում կամային հաղթանակ տոնեց «Սթոք Սիթիի» նկատմամբ։
«Բրիտանիա» մարզադաշտում կայացած հանդիպման հաշիվը 44-րդ րոպեին բացեց Ջոնաթան Ուոլտերսը։ «Կարմիրներին» հաղթանակ պարգևեցին փոխարինման դուրս եկած Ֆիլիպե Կոուտինյոն և Ռոբերտո Ֆիրմինյոն․ առաջինը հաշիվը հավասարեցրեց 70-րդ րոպեին, իսկ երկու րոպե անց աչքի ընկավ Ֆիրմինյոն։
Այս հաղթանակից հետո Յուրգեն Կլոպի թիմն ունի 63 միավոր և շարունակում է զբաղեցնել մրցաշարային աղյուսակի երրորդ հորիզոնականը, իսկ «Սթոքը» 36 միավորով 13-րդ տեղում է։
Անգլիայի Պրեմիեր լիգա, 32-րդ տուր
«Սթոք Սիթի» – «Լիվերպուլ»՝ 1։2
Գոլերը՝ Ուոլտերս 44՛ – Կոուտինյո 70՛, Ֆիրմինյո 72՛