Մխիթարյանի գործողություններն «Անդերլեխտի» դեմ խաղում (վիճակագրություն, տեսանյութ)
Նմանատիպ
Եվրոպա լիգայի քառորդ եզրափակչի առաջին խաղում «Մանչեսթեր Յունայթեդը» հյուրընկալվելիս չի կարողացել պահպանել «Անդերլեխտի» հետ հանդիպման հաղթական հաշիվը, գրանցվել է ոչ-ոքի` 1:1: «Կարմիր սատանաների» միակ գնդակը խփել է Հայաստանի ազգային հավաքականի կիսապաշտպան Հենրիխ Մխիթարյանը:
Ներկայացնում ենք բելգիական թիմի դեմ մրցավեճում 28-ամյա ֆուտբոլիստի անհատական վիճակագրությունը և նրա բոլոր գործողությունների տեսանյութը:
Խաղի ընթացքում Հենրիխը 4 հարված է կատարել, որոնցից մեկը դարպասին է ընթացել (գոլ), մյուսը փոքր շեղությամբ անցել է դարպասաձողի կողքով, իսկ ևս երկուսը փակվել են պաշտպանների կողմից:
Մխիթարյանն ընդհանուր 63 փոխանցում է կատարել: Դրանցից 56 դիպուկ են եղել (89 %), այդ թվում երկուսը, որոնք թիմակիցներին հարվածային դիրք դուրս բերող են դիտարկվել:
Հանդիպման ընթացքում Մխիթարյանը 6 անգամ խաբքի է դիմել, որոնցից 2 հաջողված են եղել, մյուսը դեպի սեփական դարպասի ուղղությամբ, իսկ ևս երեքը` անհաջող: 178 սմ հասակ ունեցող կիսապաշտպանը երկու անգամ օդային մենապայքարների է մասնակցել և երկուսում էլ հաղթող դուրս եկել: Մխիթարյանը գնդակը խլելու 5 փորձ է կատարել: Այդ փորձերից 4-ը հաջող են ստացվել: Մեկը եղել է մրցակցի խաբքի ժամանակ:
Հայ ֆուտբոլիստը 3 անգամ անկյունային է իրացրել. մեկը հասել է հասել է հասցեատիրոջը:
Վիճակագրական տվյալները ներկայացրել է «Whoscored.com»-ը, որը հանդիպման ամենաբարձր գնահատականը տվել է Մխթարյանին` 8,2:
Հետևեք մեզ նաև Telegram-ում