Ավարտվեց «GRENKE Chess Classic» մրցաշարը
23/04/2017 10:13
Նմանատիպ
Բադեն-Բադենում ավարտվեց «Գրենկե Չեսս Կլասիկ» մրցաշարը, որին մասնակցում էր 8 շախմատիստ՝ Լևոն Արոնյանը, աշխարհի չեմպիոն Մագնուս Կարլսենը, Ֆաբիանո Կարուանան, Մաքսիմ Վաշիե-Լագրավը, Արկադի Նայդիչը, Հոու Յիֆանը, Մաթիաս Բլուբաումը և Գեորգ Մեյերը:
Մրցաշարի ավարտից մեկ տուր առաջ Հայաստանի ուժեղագույն գրոսմայստեր Լևոն Արոնյանն ապահովել էր չեմպիոնությունը՝ անհասանելի դառնալով մոտակա մրցակիցների համար։
Վերջին՝ 7-րդ տուրի բոլոր պարտիաներն ավարտվեցին ոչ-ոքի արդյունքով․ Արոնյանը սև խաղաքարերով ոչ-ոքի խաղաց Ֆաբիանու Կարուանայի հետ, Մագնուս Կալսենը՝ Վաշիե-Լագրավի, Հոու Յիֆանը՝ Նայդիչի, իսկ Մեյերը՝ Բլուբաումի։
Այսպիսով, մրցաշարային աղյուսակն ունի հետևյալ վերջնական տեսքը՝
- Լևոն Արոնյան – 5․5 միավոր
- Մագնուս Կարլսեն – 4
- Ֆաբիանո Կարուանա – 4
- Վաշիե-Լագրավ – 3․5
- Հոու Յիֆան – 3․5
- Արկադի Նայդիչ – 3․5
- Գեորգ Մեյեր – 2
- Մաթիաս Բլուբաում – 2