USD
EUR
RUB

Արամ Ոսկանյան. Կորոշենք, թե լուրջ խնդիրներ լուծելու համար ովքեր են անհրաժեշտ մեզ

Հայաստանի Բարձրագույն խմբի առաջնության 28-րդ տուրում «Բանանցը» սեփական հարկի տակ 0:3 հաշվով պարտվեց գործող չեմպիոն «Ալաշկերտին»: Հանդիպումից հետո տանտերերի գլխավոր մարզիչ Արամ Ոսկանյանն իր մեկնաբանությունը տվեց։

«Շնորհավորում եմ «Ալաշկերտին», երկրորդ կեսում նրանք արժանի էին հաղթանակին: Առաջին կեսում մեզ մոտ շատ լավ ստացվեց, ինչպես թիմային խաղի առումով, այնպես էլ մեր ընտրած մարտավարության տեսանկյունից: Առաջին կեսում մեր կենտրոնական կիսապաշտպաններ Նաիրի Մինասյանը, Հակոբ Հակոբյանը և Արամ Լոռեցյանը մեծ ծավալի աշխատանք էին կատարել, ուստի ընդմիջումից հետո նրանց հոգնածությունն իրեն զգացնել տվեց: Արամի մոտ նկատելի էր այն պակասը, որն առաջացել էր վնասվածքի պատճառով բաց թողած մարզումներից:

Այնուհետև նրանք փոխարինման դուրս բերեցին փորձառու խաղացողների, և մեր վիճակն ավելի բարդացավ: Որքան գոլային պահեր նրանք ունեին, նույնքան էլ մենք ստեղծեցինք, սակայն կատարողական վարպետության տարբերությունը զգացնել տվեց: Մեր թիմում լավ պահեր ունեին Նորայր Գյոզալյանն ու Հայկ Ոսկանյանը»,- ասաց Ոսկանյանը։



Հաշվի առնելով թիմերի նախապես ընտրած խաղաոճերը (4-3-3 և 3-5-2)` «Բանանցը» դաշտի կենտրոնում պետք է մեկ ֆուտբոլիստ ավելի ունենար և փորձեր առավելություն ստանալ, սակայն դա տեղի չունեցավ: Ի պատասխան Sport.Times.am-ի այդ դիտարկմանը, 41-ամյա մասնագետը նշեց.

«Հաշվի առնելով, որ Զավեն Բադոյանը հարձակման գծից հաճախ նահանջում էր դաշտի կենտրոն, կարելի ասել, որ նրանք էլ էին երեք ֆուտբոլիստով գործում: Առաջին կեսում նրանց որևէ հնարավորություն չէինք տալիս, և հարձակվողները ստիպված էին գնդակ ստանալու համար շատ նահանջել: Նրանց հենակետային կիսապաշտպանը մինչև պաշտպանողական գիծ էր իջնում. դա լավ կյանքից չէր: Ազատ գոտիներ ընդհանրապես չունեին: Առավելություն միգուցե չունեինք, սակայն նույն Լոռեցյանը տեսաք` ինչպիսի փոխանցումով Գյոզալյանին մեն-մենակ դուրս բերեց: Մեզ մոտ կան անփորձ ֆուտբոլիստներ, իսկ փորձառուները դեռ այն մակարդակին չեն, որ թիմակիցներին իրենց հետևից տանեն»:

Վահագն Այվազյանն այսօր կրկին այլ դիրքում էր խաղում (աջ հարձակվող): Նրա օպտիմալ խաղային դիրքի փնտրտուքների մասին Sport.Times.am-ը հարցրեց Արամ Ոսկանյանին․

«Այսօր առաջին անգամ 4-3-3 խաղային համակարգով գործեցինք: Վահագն ունիվերսալ ֆուտբոլիստ է, որովհետև մի քանի դիրքերում կարող է խաղալ: Չեմ կարող ասել, թե որն է նրա օպտիմալ դիրքը, որում նա իրեն լավագույնս կդրսևորի, սակայն ակնհայտ է, որ պետք է սկսի ավելի սուր գործել: Նա բնածին ուժ և արագություն ունի»:



Չորրորդ անընդմեջ խաղում «Բանանցն» առաջին կեսում հաջող է հանդես գալիս, սակայն երկրորդում թույլ ֆուտբոլ է ցուցադրում: Երևանցիների մարզիչը գիտի դրա պատճառը․

«Մեր խաղացողները փորձ չունեն: Մի քանի ֆուտբոլիստներ էլ ֆունկցիոնալ առումով լավ պատրաստ չեն: Նաև ստիպված ենք անընդհատ փոփոխություններ կատարել կազմում՝ վնասվածքներ, դեղին քարտեր: Այսօր պետք է Լայոնել Ադամս խաղար, սակայն դեռ ամբողջությամբ չի ապաքինվել, նա որոշեց ռիսկի չդիմել: Արամ Բարեղամյանը մոտ է խաղադաշտ վերադառնալուն: Կորուստներ ունենք, սակայն դա լավ շանս է երիտասարդ ֆուտբոլիստների համար: Հետագայում կորոշենք, թե լուրջ խնդիրներ լուծելու համար ովքեր են անհրաժեշտ մեզ»:

Մոտ ապագայում կազմի շուրջ որոշում կայացնելու վերաբերյալ Ոսկանյանն ասաց հետևյալը․

«Դեռ ժամանակ կա, չեմ ուզում շտապել: Մոտավոր պատկերացում ունեմ, սակայն դեռ երկու խաղ կա, պետք է սպասենք: Ֆուտբոլիստեր կան, որ մի քանի շաբաթ առաջ այնքան էլ չէին տպավորում, սակայն հիմա ավելացնում են: Այս տեսանկյունից մենք երևի Հայաստանում բոլորից առաջ ենք, որովհետև արդեն հիմա սկսել ենք նախապատրաստվել հաջորդ մրցաշրջանին»:


Հայկ Հովհաննիսյան 

Լրահոս
Ավարտվեց հայ բռնցքամարտիկների ուսումնամարզական հավաքը Հեծանվորդ Էդգար Ստեփանյանը 13-րդն է օմնիումում Լուիս Էնրիկե. Հնարավոր 13 տիտղոսից նվաճեցի 9-ը, վատ վիճակագրություն չէ Մաքսվելը` ակումբային ֆուտբոլի պատմության ամենատիտղոսակիր խաղացող 91-րդ րոպեին արձանագրված ինքնագոլի արդյունքում «Պարի Սեն Ժերմենը» դարձավ Ֆրանսիայի գավաթակիր (տեսանյութ) «Բարսելոնան» հաղթեց «Ալավեսին» և դարձավ Իսպանիայի գավաթակիր (տեսանյութ) Դորտմունդի «Բորուսսիան»՝ Գերմանիայի գավաթակիր (տեսանյութ) «Արսենալ» - «Չելսի» գավաթային եզրափակիչը՝ ֆոտոշարքով Անգլիայի գավաթ․ «Արսենալը» եզրափակչում հաղթեց «Չելսիին» (տեսանյութ) «Յուվենտուսն» առաջնությունն ավարտեց հաղթանակով (տեսանյութ) Ռոնալդու․ Զիդանն ինձ խաղադաշտում տեղաշարժվելու ազատություն է տվել «Փյունիկը» հաղթեց «Արարատին», «Գանձասար Կապանը»՝ «Բանանցին» (տեսանյութ) 2016-17թթ մրցաշրջան. Հայտնի է ԱՊԼ-ի լավագույն գոլը (տեսանյութ) Եզրափակչին ընդառաջ. «Բարսելոնայի» 3 ֆուտբոլիստ ապաքինվել է Էդգար Ստեփանյանը Մոսկվայում մասնակցում է միջազգային մրցաշարի «Չելսի» – «Արսենալ». «Զինագործները» նոր կորուստ ունեն Բերնարդու Սիլվա. Գվարդիոլայի հետ աշխատելու հնարավորությունը չէի կարող բաց թողնել Իսկոյի վարկածով բոլոր ժամանակների խորհրդանշական հավաքականը «Marca». Քրեական հետապնդումից խուսափելու համար Ռոնալդուն 6 միլիոն եվրո է վճարել Աղասի. Սկզբից մերժեցի Ջոկովիչին, բայց հետո Շտեֆին տարհամոզեց ինձ «Միլանը» սպառնում է Դոնարումային հեռացնել թիմից, եթե… Հայտնի է «Բետիսի» նոր գլխավոր մարզչի անունը Պաշտոնական. Բերնարդու Սիլվան` «Մանչեսթեր Սիթիի» ֆուտբոլիստ (լուսանկար) Բալոտելլի. «Ոսկե գնդակը» հաղթելու համար պետք է սպանեմ Մեսսիին ու Ռոնալդուին Սաբալետան նոր թիմ ունի ԱՊԼ-ում (լուսանկար) Պաշտոնական. Սամպաոլին կգլխավորի Արգենտինայի հավաքականը Գատուզոն վերադարձավ «Միլան» (լուսանկարներ) Թիմը հանել առաջնությունից, մարզչին զրկել գործունեության իրավունքից. պատիժներ ՀՖՖ-ի կողմից NBA-ում սուպերեզրափակիչ է լինելու (տեսանյութ) Հայաստանի առաջնությունից ազգային հավաքական է հրավիրվել 7 ֆուտբոլիստ «Մանչեսթեր Յունայթեդը» մտադիր է 4 տրանսֆեր կատարել. թեկնածուները հայտնի են Եվրոպայի առաջնությունում Հայաստանը կներկայացնի վեց մարզիկ Վինիսիսուսի գործակալ. «Բարսելոնան» ավելի մեծ աշխատավարձ էր առաջարկում, քան «Ռեալը» «Մանչեսթեր Սիթին» ու «Մոնակոն» 70-միլիոնանոց տրանսֆեր են համաձայնեցրել Հնարավոր է՝ Կոնֆեդերացիաների գավաթը փոխարինվի ակումբային մրցաշարով Եվրոպա լիգայի 2016-17թթ. մրցաշրջանի խորհրդանշական թիմը Բեյլն ու Կարվախալն ընդհանուր խումբ են վերադարձել «Մանչեսթեր Սիթին» հայտարարել է 4 ֆուտբոլիստի հեռանալու մասին Ժոզե Մոուրինյու՝ ֆուտբոլի պրագմատիկ ընդդիմադիրը Հայաստանի Մ-16 հավաքականը կմասնակցի միջազգային մրցաշարի
website by Sargssyan