Գրիզմանը զանգահարել է Մոուրինյուին և բացատրել իր որոշումը
Նմանատիպ
«Ատլետիկոյի» հարձակվող Անտուան Գրիզմանը շարունակելու է ելույթներն իր ներկայիս թիմում:
Ֆրանսիացին նման որոշում է կայացրել այն բանից հետո, երբ հայտնի է դարձել, որ CAS-ը մերժել է մադրիդցիների դիմումը և ուժի մեջ թողել տրանսֆերային արգելքը: 26-ամյա ֆուտբոլսիտից բաժանվելու դեպքում, «հնդիկները» նրան փոխարինելու հնարավորություն չեն ունենա:
Գրիզմանն արդեն պայմանավորվածություն էր ձեռք բերել «Մանչեսթեր Յունայթեդի» հետ: «The Independent»-ը գրում է, որ հարձակվողն անձամբ զանգահարել է անգլիական թիմի գլխավոր մարզիչ Ժոզե Մոուրինյուին և բացատրել իր որոշման դրդապատճառները:
Ավելի ուշ AS.com-ին հայտնի է դարձել, որ Գրիզմանը նոր պայմանագիր է կնքելու իսպանական ակումբի հետ: «Ատլետիկոն» ֆրանսիացուն վճարելու է աշխատավարձ, որը գերազանցելու է ֆուտբոլիստի ծառայություններով հետաքրքրված բոլոր ակումբների առաջարկները:
Հետևեք մեզ նաև Telegram-ում