Ռոնալդուն՝ 5-րդ անգամ անընդմեջ Չեմպիոնների լիգայի լավագույն ռմբարկու
Նմանատիպ
Չեմպիոնների լիգայի եզրափակիչ՝ «Յուվենտուս» – «Ռեալ» խաղում (1:4) մադրիդյան թիմի հարձակվող Կրիշտիանու Ռոնալդուն դուբլի հեղինակ դարձավ և ճանաչվեց հանդիպման լավագույն ֆուտբոլիստ։ Պորտուգալացի հարձակվողն ընթացիկ խաղարկությունում խփած գոլերի քանակը հասցրեց 12-ի, շրջանցեց «Բարսելոնայի» առաջատար Լիոնել Մեսսիին և ճանաչվեց մրցաշարի լավագույն ռմբարկու։
Ռոնալդուն 5-րդ անգամ անընդմեջ և ընդհանուր 6-րդ անգամ է դառնում Չեմպիոնների լիգայի մեկ խաղարկության լավագույն ռմբարկու։ Հիշեցնենք, որ պորտուգալացին մրցաշարի ամբողջ պատմության լավագույն ռմբարկուն է՝ 105 գոլ։ Նշենք նաև, որ «Յուվենտուսի» դարպասը խփած երկրորդ գոլը Ռոնալդուի կարիերայում 600-րդն էր։
Չեմպիոնների լիգայի 2016-17թթ․ խաղարկության լավագույն ռմբարկուները
- Կրիշտիանու Ռոնալդու – «Ռեալ» – 12 գոլ
- Լիոնել Մեսսի – «Բարսելոնա» – 11 գոլ
- Ռոբերտ Լևանդովսկի – «Բավարիա» – 8 գոլ
- Էդինսոն Կավանի – «ՊՍԺ» – 8 գոլ
- Պյեր Էմերիկ Օբամեյանգ – «Բորուսսիա» Դ. – 7 գոլ
Ռոնալդուն եզրափակիչ հանդիպման լավագույն ֆուտբոլիստի մրցանակով
Հետևեք մեզ նաև Telegram-ում