Շարապովան չի մասնակցի «Ուիմբլդոնին»
11/06/2017 12:03
Նմանատիպ
Ռուս թենիսիստուհի Մարիա Շարապովան չի մասնակցի «Մեծ Սաղավարտի» տարվա երրորդ մրցաշարին` «Ուիմբլդոնին»: Ավելին, վնասվածքի պատճառով 30-ամյա մարզուհին բաց կթողնի տարվա բոլոր խոտածածկով մրցաշարերը:
«Ցավոք, լրացուցիչ բուժզննումը ցուց տվեց, որ Հռոմում ստացած մկանի պատռվածքն ինձ թույլ չի տա մասնակցել խոտածածկով մրցաշարերին:
Շնորհակալ եմ Բիրմինգհեմում կայանալիք խաղարկության համար ինձ տրված ուայլդ-քարտի համար: Անհամբերությամբ սպասում եմ հաջորդ տարի այդ մրցաշարին մասնակցելուն:
Շարունակելու եմ վերականգնողական աշխատանքները: Մտադիր եմ կորտ վերադառնալ Սթենֆորդում»,- Facebook-յան իր էջում գրել է ռուս թենիսիստուհին:
Հետևեք մեզ նաև Telegram-ում